ماتشات المنتخب الوطني المغربي فكأس أفريقيا “المغرب2025”، بينات أن واحد الفئة داخل المجتمع المغربي، فئة هرگاوية ومتخلفة وما عندها علاقة بالنقاش الحضاري الرياضي الراقي، البعيد على التعصب والقبلية والتخوين ومنطق “ماشي معيا يعني ضدي”، ومع الأسف هذه الجملة الأخيرة هي منطق بزاف ديال الناس.

وكمثال، غير البارح فماتش المنتخب الوطني المغربي ضد منتخب تنزانيا، وبعد الحالة التحكيمية المثيرة للجدل مع نهاية الماتش ديال لاعب المنتخب المغربي آدم ماسينا ولاعب تنزانيا، بان تاني أن بزاف من الجماهير المغربية والرأي العام الرياضي ما عندوش ثقافة الاختلاف وتقبل الرأي والرأي الآخر، والرد بطريقة حضارية.

مواقع التواصل الاجتماعي والقهاوي والشوارع، فيها منطق واحد إيما أنك قلتي راه بينالتي والحكم حرم تنزانيا من فرصة التعادل، وغادي يعتابروك ماشي مغربي وخائن… وهذا فقط حيث اختلفتي معهم حول قرار حكم ماتش د الكورة، أما إلى قلتي ماشي بينالتي راه غادي تعتبرك واحد الفئة زلايجي ومريقي وطبال، وهذا مع الأسف هو النيفو اللي كايشكل نسبة مهمة من الرأي العام الرياضي المغربي.

وهذا الشي راه كايبين أن الرأي العام الرياضي عندو ثقافة رياضية هشة وما مبنياش على وعي بالروح الرياضية، وثقافة ديالي ديالي ماشي ديالي ماشي ديالي، واحترام الآخر والاختلاف ديالو كيفما كانت وجهة النظر اللي عندو.

المنتخب المغربي

المصدر: كود

الصفحة الرئيسية

آش هاد الرأي العام لمفلس ولى عندنا؟ إلى قلتي بينالتي تنزانيا كاين والحكم ظلمهم راك ماشي مغربي وخائن وإلى قلتي العكس راك زليجي وطبال .

أخبار ذات صلة

الناخب الإيفواري يثمن الروح القتالية

تراوري: منتخب كوت ديفوار رائع

إقرأ أيضا

حادث سير مروع بين إيموزار كندر وإفران يخلف ثلاثة قتلى وخمسة جرحى

"الفيلة" تنافس "الفراعنة" في أكادير