كود الرباط//

شخصيات كانت نجوم ف المجلس الوطني لحزب الاستقلال اليوم السبت، وحظات بتصفيقات الحضور وقيادات الحزب، فاش بدا نزار بركة الامين يعطي تقييم للنتائج للي حصل عليها الحزب ف استحقاقات 23 شتنبر.

بركة بدا باعلان فوز أول شاب ينتمي لجيل زيد بمقعد برلماني باسم حزب الاستقلال، وهو عاطف التجاني ف عمر 23 سنة من دائرة ورزازات.

من الشخصيات كذلك لي كانت نجمة هاد المجلس، هي النائبة البرلمانية مديحة خيير، وكيلة لائحة حزب الاستقلال، للي تصدرت نتائج الانتخابات التشريعية لعام 2026 في دائرة بني ملالباحتلالها المرتبة الأولى وحصولها على 21,384 صوتاً (بنسبة تقارب 21%). وبذلك أصبحت أول امرأة تتصدر الانتخابات في تاريخ هذه الدائرة الانتخابية. وجات لول ف المغرب كامرأة بهاد عدد الاصوات، ف نفس دائرتها طلعات نجمة اخرى ف التقدم والاشتراكية مريم وحساة.

ومن الاسماء لي خدات تصفيقات كبيرة ف وسط المجلس الوطني وعندها شعبية، حمدي ولد الرشيد، للي عندو دور كبير ف حشد أكثر من 60 ألف شخص بالعيون لحضور تجمعي برئاسة نزار بركة وتحويلها إلى نحو 52 ألف صوت انتخابي لصالح حزب الاستقلال، مسجلة الجهة بذلك نسبة مشاركة قياسية بلغت 77%.

طبعاو كانو نجوم برلمان الاستقلال، ولكن كانو كذلك لي دارو الكوارث بحال المتقاعد مصطفى حنين مفتش حزب الاستقلال للي صيد نزار بركة وعطا خبر كاذب ديال تصويت برلمان البام على رفض مشاركة الاحرار ف الحكومة.