كود -كازا //

صيفط الرئيس الإسرائيلي، إسحاق هرتسوغ، برقية تهنئة رسمية لـ فاطمة الزهراء المنصوري فحسابو ، بمناسبة التعيين التاريخي ديالها من طرف الملك محمد السادس كأول امرأة كاتشد منصب رئيسة الحكومة فتاريخ المغرب.

هرتسوغ تمنى للمنصوري التوفيق والنجاح في المهام الجديدة ديالها، واعتبر بلي هاد الخطوة كاتشكل محطة تاريخية ومهمة بزاف للمملكةً، فينفس الوقت، شاد بالقيادة الحكيمة ديال سيدنا ، والجهود ديالو فتعزيز السلام وتطوير العلاقات التاريخية بين الشعبين المغربي والإسرائيلي، ودعا لمواصلة العمل المشترك باش توسع دائرة السلام والتسامح في المنطقة.

هاد التهنئة جات مباشرة بعد ما استقبل الملك محمد السادس المنسقة العامة لحزب الأصالة والمعاصرة، بالقصر الملكي بالرباط، ولي كلفها بشكل رسمي بتشكيل الحكومة الجديدة مورا الانتخابات التشريعية الأخيرة.