غير كاترييب لي كينبيه لقجع.. كوكوس رئيسة برلمان البام طلعات "غبية" وجاهلة بالوضع الاقتصادي قبل لقاء مع CGEM قالت بلي «السميك» فالمغرب هو 2600 درهم .

مصدر الصورة

كود كازا//

خرجت نجوى كوكوس، رئيسة المجلس الوطني لحزب الأصالة والمعاصرة، بتصريح غريب وغبي ف نفس الوقت، وناضت عليها موجة من السخرية والانتقادات فالسوشل ميديا، بعدما كشفت عن جهل صارخ بأبسط الأرقام والمؤشرات الاقتصادية للبلاد، وفي لقاء حزبها مع الاتحاد العام لمقاولات المغرب (CGEM).

قيادية بحجم رئيسة المجلس الوطني لحزب يشارك في التسيير الحكومي وطامح فرئاستها، وبرلمانية لسنوات، قبل لقاء مع رجال الأعمال والباطرونا خرجات تقول باللي الحد الأدنى للأجر (السميك) في المغرب هو 2600 درهم، مسقطة من حساباتها كل الزيادات والاتفاقات الاجتماعية التي شهدتها البلاد خلال السنوات الأخيرة.

وكان الحد الأدنى للأجر الشهري الصافي في حدود 2828 درهم قبل سنة 2021، غير أنه مر عبر محطات متتالية من الزيادات في إطار الحوار الاجتماعي؛ حيث ارتفع إلى 2971 درهم في سبتمبر 2022، ثم إلى 3110 درهم في سبتمبر 2023، وصولاً إلى 3265 درهم في يناير 2025، ثم 3422.72 درهم في بداية سنة 2026.

هفوة كوكوس ماشي غير زلة لسان، بل دليل على انها خارج السياق ومفاهما لا اقتصاد ولا تطور بلادها، وكاع لي دار فوزي لقجع فداك اللقاء هرساتو.

كيفاش منتخبة بحال كوكوس كتشرع القوانين وتناقش الميزانيات تكون جاهلة بالأرقام الرسمية اللي كتمس القوة الشرائية للملايين من الشغيلة المغربية.

هادي دبا خمس سنين فالبرلمان ومعارفا والو على بلادها ولا على تطور السميك.. هادي عندها زهر واحد هو ان بنت الباشا دافعت عليها تكون وكلية لائحة بلاصت سعيد الناصري، المعتقل ف ملف اسكوبار الصحراء. وحدة ما ساكناش فهاد الدائرة. عايشة فالرباط وباغية تمثل كازاوا. كون ترشح فسباتة جات معاها ماشي انفا