قدرات فرق الإنقاذ البحري الإسبانية نهار الأحد من أنها تعتق 11 مغربي كانو فوق باركو صيد على بعد 100 كيلومتر من جزيرة لانزاروت، بعدما تبلوكا وبقا واحل بين التيارات البحرية.

وحسب اتحاد الطوارئ فجزيرة لانزاروت، كاين اشتباه أن هاد المركب تسرق من ميناء أكادير، ولكن السلطات الإسبانية مازال ما أكداتش هاد المعلومة بشكل رسمي.

الأشخاص اللي كانو فوق المركب هما اللي طلبو العوين بعد جوج ديال الليل، من بعد ما عيطو بمركز الإنقاذ البحري فلاس بالماس، قبل ماترسل سفينة الإنقاذ “سالفامار الناير”.

عبارة “سيوداد دي فالنسيا” كانت أول وحدة لقات المركب وبقات حداه حتى وصلات سفينة الإنقاذ مع 9 صباح ، ومن بعد بداو كيجروه لميناء أريسيفي، وخا البحر مقلب.

إلى تأكد أن المركب فعلاً تسرق من ميناء أكادير، غادي يكون هاد ثالث مركب صيد مغربي من نفس النوع كيتسىرق وكيوصل لجزر الكناري فقل من عام.

التحقيقات مازالت خدامة باش يتعرفو كيفاش خرج المركب من ميناء أكادير، والظروف اللي وصلاتو لسواحل الإسبانية.

أكادير

المصدر: كود

الصفحة الرئيسية

لاس بالماس عتقات 11 مغربي كانو حاركين فباركو ديال الصيد خارج من أكادير .

أخبار ذات صلة

تحذير جديد من الأرصاد الجوية وكيهم هاذ المدن: الحرارة غتوصل لـ44 درجة ورياح قوية كتراوح بين 75 و80 كلم/س .

ودادية وطنية لموظفي العدل ترى النور وتدعو إلى إصلاح شامل للموارد البشرية

إقرأ أيضا

عاجل. جدارمية بوسكورة شدو 4 من عصابة الملثمين الشينوا اللي خرباتها شفرة فالمدينة الخضرا. بلادنا ولات مستهدفة من عصابات محتارفة بزاف .

إيران ولبنان .. ترمب يعلن عقد اجتماع مع الإيرانيين بالدوحة غدا وطهران تنفي