بعدما دازو بالأغلبية فلجنة المالية فالمستشارين.. الوزير بايتاس والأغلبية حضرو بكثافة وطيحو جوج مقترحات قوانين لتسقيف أسعار المحروقات وتأميم لاسامير: 29 مستشار صوتو ضد و9 مع .

مصدر الصورة

كود الرباط//

علمت “گود” من مصدر مطلع، بلي قبل قليل، مجلس المستشارين، طيح جوج مقترحات قوانين ديال المعارضة كانو دازو بالأغلبية ف لجنة المالية بمجلس المستشارين الثلاث الفايت.

وصوت 29 مستشار ضد مشروعي مقترحي قانونين: الأول يتعلق بإعادة تأميم شركة لاسامير، والثاني يتعلق بتسقيف أسعار المحروقات، كانوا دازو الثلاث لي فات فلجنة المالية حققات ضربة قوية فلجنة المالية بتواطؤ مع أطراف من الأغلبية الحكومية.

كانت اتهامات موجهة فهاد الصدد لرئيس اللجنة مولاي مسعود أكناو من فريق الأصالة والمعاصرة للي خلا المعارضة كتبورد فاللجنة، وأيضا لوزير العلاقات مع البرلمان مصطفى بايتاس أيضا، للي كان غائب عن البرلمان نهار التصويت فاللجنة، باش داز .

اليوم الأغلبية دارت استنفار وسطها وكولشي حضر، وحتى الوزير بايتاس حضر.

هاد السقطة المدوية للأغلبية مسؤولين عليها تحديدا مستشاري الأغلبية للي كانوا يوم التصويت مشغولين بالتبناد فقاعة الجلسات للتصويت على مشروع تعديلات جابهم وزير الداخلية عبد الوافي لفتيت حول قانون الجهات. بالسيف يجيو يصوتو لهاد التعديلات للي جابهم وزير الداخلية لأن أغلب هؤلاء المستشارين من الجماعات الترابية والغرف المهنية والانتخابات ديالهم بقات ليهم سنة.

مصادر موثوقة قالت بللي لبارح بالليل كانت اتصالات مكثفة مع المستشارين دياول الأغلبية، واحد بواحد، وتم توجيه تعليمات صارمة لهم للحضور لجلسة التصويت وللي تغيب بدون عذر مقبول سيتم اتخاذ إجراءات صارمة ضده.

وعرفت الجلسة التشريعية اليوم مناوشات سياسية بين الاغلبية وجوج برلمانيين عن الكنفدرالية الديمقراطية للشغل، بسباب الشجاعة ديالهم فكشف خيوط شبهات داخل المجلس متورطين فيها بعض وجوج الاغلبية.