الجريمة اللاإنسانية اللي هزات منطقة حي مولاي رشيد فالدار البيضاء ، ووقعات لبارح الثلاثاء 12 ماي فحي الأبرار من بعد ما باطرون قتل مستخدمة عندو ف ” كاش بليس” مكانتش بدافع الشفرا ولا محاولة اغتصاب ، ولكن كانت بسبب الغيرة والحب والخيانة.

وحسب معطيات أولية توصلات بها ” كود” فالمشتبه فيه، وهو راجل عندو 50 عام كان كيبغي البنت لي خدامة عندو اللي عندها 29 عام، وكان باغي يتزوج بها بعدما دار تيقتو فيها بشكل كبير حتى أنه سجل محل وكالة تحويل الأموال بسميتها.

ولكن وفق المصادر نفسها ، الراجل تفاجأ بلي الشابة كانت داخلة فعلاقة مع شخص آخر أصغر منو سنا، وهاد الشي خلاه يدخل فحالة نفسية صعيبة وماقدرش يتقبل فكرة أنها غادي تبعد عليه وتتزوج بشخص آخر.

وحسب روايات بعض الجيران، نهار الواقعة، الراجل سد باب الوكالة عليهوم من الداخل، ووقع بيناتهم خلاف كبير قبل ما يتحول الأمر لجريمة مأساوية، بعدما قام بالاعتداء عليها بطريقة خطيرة ودربها بجنويا حتا ماتت، قبل ما يحاول حتى هو ينتاحر.

السكان ديال الحي كانو خرجو بتصريحات حتا هي مختالفة وكانو كالو بلي سمعو لغوات وعيطو للبوليس والمصالح الأمنية اللي تدخلات بزربا، وبعد اقتحام المحل لقاو الضحية غارقة فدمها، و المشتبه فيه كان فحالة حرجة.

وفتحات المصالح الأمنية تحقيق تحت إشراف النيابة العامة المختصة، باش يتم الكشف على جميع ظروف وملابسات هاد الجريمة اللي خلفات صدمة كبيرة وسط الساكنة، ومازال لبحث مستمر.

حوادث عنف

المصدر: كود

الصفحة الرئيسية

ومن الحب ما قتل. تفاصيل جديدة على الشابة اللي قتلها ليها باطرونها فـ”كاش بليس”: الخمسيني كان كيبغيها وما تقبلش يتزوج بيها حد غيرو .

أخبار ذات صلة

القبض على "شبح" ميشيغان المتهم بقتل مغني روك بعد أكثر من 32 سنة

إطلاق نار وفوضى داخل مجلس الشيوخ الفلبيني

إقرأ أيضا

خبراء: “التنمية الترابية” المفتاح الحقيقي لتنزيل ورش الدولة الاجتماعية بالمغرب (فيديو)

ومن الحب ما قتل. تفاصيل جديدة على الشابة اللي قتلها ليها باطرونها فـ”كاش بليس”: الخمسيني كان كيبغيها وما تقبلش يتزوج بيها حد غيرو .