صادق البرلمان الإسباني نهار الثلاث فلجنة العدل فمجلس النواب، على واحد المقترح كيمكن المغاربة لي من أصول سبتاوية باش رجعو الألقاب العائلية الأصلية ديالهم، فخطوة رجّعات للواجهة واحد الملف التاريخي اللي بقى محل نقاش لسنين طويلة، ومرتبط بفترات حساسة من تاريخ إسبانيا.

وحسب ما قالت الصحافة الإسبانية، هاد المقترح داز بأغلبية 19 صوت مقابل 3 ضدو و15 ممتنعين. المقترح تقدم به حزب بوديموس بدعم من حركة “Ceuta Ya”، لي هي حزب محلي فسبتة متحالف معاه، واللي كانت من اللولين اللي طرحو هاد القضية حتى وصلات للبرلمان.

المصادر نفسها وضحات أن المقترح لقى دعم من الحزب الشعبي الإسباني، أكبر أحزاب المعارضة وحتى الحزب الاشتراكي العمالي الإسباني، واعتابرو هاد الخطوة داخلة فإطار تحقيق “العدالة التاريخية‘‘.

وكيهدف هاد المقترح لدعوة الحكومة الإسبانية تبدل قوانين الحالة المدنية، باش تدير مسطرة استثنائية كتسمح للعائلات المغربية فسبتة ترجع الألقاب ديالها الأصلية اللي تبدلات فمرحلة فايتة، وهاد المسطرة غادي تكون جماعية، ساهلة، وسريعة وفابور، باش يستافدو منها أكبر عدد ممكن بلا تعقيدات ولا مصاريف.

كما كينص المقترح حتى على الاعتراف بـ’’خطأ تاريخي” لي وقع فالثمانينات، ملي تبدلات بزاف ديال الألقاب المغربية لأسماء إسبانية فإطار عملية التجنيس، وكيشوفو المؤيدين أن هاد التغيير ماكانش غير إداري، ولكن مسّ الهوية الثقافية والعائلية ديال الناس، خصوصاً وأن الأغلبية فسبتة عندها أصول مغربية.

سياسة مغربية

المصدر: كود

الصفحة الرئيسية

البرلمان الإسباني وافق على مقترح كيخلي سبتاوة المغاربة يرجعو كنياتهم .

أخبار ذات صلة

التعاون العسكري بين المغرب والمريكان غادي مزيان: توقيع خارطة طريق تعاون دفاعية كتمتد لعشر سنين لتوسيع الشراكة الاستراتيجية .

تدعيم الديمقراطية وترقية حقوق الإنسان وتحديث العدالة…ايت ميك من اسطنبول قدم تجربة المغرب فالعمل البرلماني .

إقرأ أيضا

اتصال هاتفي بين رئيس لبنان وترامب

صيادلة المغرب يحذرون من فقدان 40 ألف منصب شغل بسبب “مقترحات المنافسة”