"عبقري" للي "ماشي عبقري" كاتب عام وزارة الثقافة شعل لجنة التعليم فالبرلمان..نائب من التقدم والاشتراكية: كيهين البرلمان وكيتكرفص على النواب وساد علينا تلفون .

منذ

احمد الطيب كود الرباط//

فضح أحمد العبادي، البرلماني عن التقدم والاشتراكية، سلوكات “مهينة” في حق نواب الأمة يقف ورائها الكاتب العام لوزارة الثقافة والتواصل والشباب، صلاح الدين عبقري.

وقال العبادي، اليوم فاجتماع لجنة التعليم والثقافة والاتصال، بحضور وزير الشباب والثقافة والتواصل، “بلي هاد الكاتب العام ساد إدارتو على البرلمانيين وكيرفض استقبلهم ولا يتجاوب عليهم”، وزار قال عليه “للاسف شاب كيتكرفص علينا”.

العبادي قال هاك الكلام قبل مايبدا الوزير تقديم مشروع قانون رقم 09.26 يتعلق بإعادة تنظيم المجلس الوطني للصحافة.
وأوضح العبادي :”كنلقاو أبواب موصدة.. مهمتنا كذلك الترافع عن طلبات مواطنين، الكاتب العام كنتاصل به ولا يرد، فراه هو “سياسي” في اشارة الى انتمائه للبام.

مصدر الصورة

العبادي أكد فحديثو مع “كود” بلي متمسك بكلامو، وزاد وضح بلي عبقري سياسي من البام وخصنا نفرقو بين الإداري والسياسي. وبالتالي عندو حماية حزبو ومكيخافش من المساءلة.

الوزير بنسعيد فاللجنة دافع على صاحبو عبقري، وقال بلي “كنتفهم الضغط للي كيكون على النواب اغلبية ومعارضة..ولكن مخصناش نلومو الافراد والاشخاص .. اذ لم يجيب في مرة واحدة، هناك فريق عمل”.
وأضاف بنسعيد بلي “كيتواصل مع رؤساء الفرق من المعارضة والأغلبية”، موضحا “كيجيوني كل مرة 140 مساج واتساب، اذا بديت كنجاوبو فواتساب مغاديش نخدم”.

باش تعرفو هاد عبقري شكون، سبق لـ”كود” نشرات تاريخو ومسارو الغريب

وها التفاصيل فالمقال:
الرابط