كود – خنيفرة //
عرفات مدينة خنيفرة عشية اليوم الخميس 26 مارس عاصفة رعدية قوية، جات معاها شتا كتيرة ، وخلاّت حملات قوية دخلات لعدد من الأحياء والزناقي، وسبّبات روينة فحركة السير والتنقل.
وملي تزادت الشتا وقوات، تحركات السلطات المحلية و تدخلات فرق الوقاية المدنية والخادمة ديال الجماعة باش يحلو القوادس ديال الما ويسرحو البلاصة منين يدوز .
هاد الشتا جات فواحد المنزلة ديال التقلبات الجوية اللي كتعرفها المنطقة مني كيبغي يدخل فصل الربيع ، النشرة الجوية كانت دارت نداءات للمواطنين باش يديرو الاحتياط ، خصوصاً فالمناطق الهابطة والقريبة لمجاري ديال الما.
المصدر:
كود