أفادت المديرية العامة للأرصاد الجوية أنه ابتداءً من بعد زوال يوم غد الجمعة 23 يناير 2026، غادي يكون البحر هائج حتى كثير الهيجان مع أمواج عالية جاية من الغرب للشمال الغربي.

وكيقول البلاغ، اللي توصلات بيه “كود”، باللي هاد الحالة غادي تهم السواحل الأطلسية من طنجة حتى أكادير، فين غادي يتراوح علوّ الأمواج ما بين 6 و8 أمتار.

كما غادي توصل أمواج مضيق جبل طارق ما بين 4 و6 أمتار، بينما السواحل المتوسطية من الجبهة حتى السعيدية غادي يكون فيها العلو ما بين 3 و5 أمتار.

وحسب نفس المصدر، من المرتقب توصل الأمواج للذروة ديالها نهار السبت 24 يناير 2026.

وزاد البلاغ وذكر باللي فـنفس الفترة غادي يتسجّل مدّ بحري مرتفع فالسواحل الأطلسية، كيتراوح ما بين 3 و3.8 أمتار، خصوصاً فالصباح بكري وفالعشية.

وبالموازاة مع هاد الشي، متوقعين تكون رياح قوية أحياناً من الجهة الغربية، ابتداءً من زوال نهار الجمعة، وغادي تهم السواحل الأطلسية، مضيق جبل طارق والسواحل المتوسطية، وقد تستمر حتى زوال نهار الأحد 25 يناير 2026.

ودعات المديرية العامة للأرصاد الجوية المواطنين إلى مزيد من الحيطة والحذر، وكتأكد على ضرورة تجنّب أي نشاط بحري، والابتعاد على الشواطئ والأرصفة البحرية ففترات ارتفاع الأمواج باش يتفادى أي خطر، وتتبع النشرات الجوية والبحرية المحلية والالتزام بتعليمات السلطات المختصة.

أكادير

المصدر: كود

الصفحة الرئيسية

السواحل الأطلسية بين طنجة وأكادير فيها الخطر: البحر غايكون هايج بزاف والمواج عالية والأرصاد الجوية كتحذر الناس .

أخبار ذات صلة

تحذير هام: أمواج عاتية تصل إلى 8 أمتار تجتاح السواحل المغربية غدا الجمعة

تصل لـ8 أمتار.. أمواج عاتية من طنجة إلى أكادير والأرصاد الجوية تدعو للابتعاد عن الشواطئ

إقرأ أيضا

نشرة إنذارية: أمطار وثلوج ورياح قوية من اليوم الخميس إلى السبت بعدة مناطق

بمعايير صارمة.. البرلمان يشرع في رقمنة نصف مليون وثيقة للولايتين 2016-2026