كود – طنجة //

عرف ملف مدرسة القدس فطنجة، المرتبط بصاك اللوائح المزورة، تطور جديد، بعدما فادت معطيات متداولة بلي خرجات مذكرة بحث دولية فحق عمدة طنجة، منير الليموري، على قبل هاد الملف.

هاد التطورات جات فوسط البحث القضائي اللي فتحاتو النيابة العامة المختصة، من بعد ما تْلقاو أوراق انتخابية وسط مؤسسة القدس بمنطقة كسبراطا.

القضية كانت عرفات توقيف عدد من المشتبه فيهم، قبل ما يتوسع البحث باش يتم الكشف على جميع ملابسات الواقعة وتحديد المسؤوليات المحتملة المرتبطة بها..

مصادر إعلامية فطنجة بحال موقع “شمالي”، عمدة طنجة خوا نهار الخميس التراب الوطني من المعبر الحدودي باب سبتة، قبل ما يتوجه لميناء الجزيرة الخضراء فإسبانيا.

هاد التطور جا فواحد المرحلة اللي دخل فيها التحقيق فالقضية لمرحلة جديدة، خصوصاً من بعد توقفو مشتبه فيهم آخرين، أما المصالح الأمنية والقضائية كتكمل أبحاثها باش تحدد حقيقة اللي وقعات وسط المؤسسة التعليمية.