بن الضو ضربو الضو وهرب من التراكتور قبل ما يلوحوه. الملايري مول الفرماج اللي بدا بالتهريب جمد عضويتو فالبام بعدما سحب ليه قاضي التحقيق باسبورو وسد عليه الحدود .

مصدر الصورة

كود الرباط//

علن عبد الرحيم بن ضو، البرلماني عن حزب الأصالة والمعاصرة، عن تجميد عضويته داخل الحزب بصفة مؤقتة، وذلك إلى حين انتهاء المسطرة القضائية الجارية في ملف قال بلي “ذي طابع تجاري”.

وجاء هذا القرار في بيان كتبو بن الضو، وضح فيه أن الوقائع موضوع المتابعة القضائية لا علاقة لها لا من قريب ولا من بعيد بصفته البرلمانية أو بانتمائه الحزبي، مؤكداً أنها تندرج في إطار مهني صرف، يخضع حصراً لتقدير القضاء.

وأوضح بن ضو أن قراره بتجميد عضويته داخل حزب الأصالة والمعاصرة يأتي حرصاً على صون صورة العمل البرلماني والحزبي، وتفادياً لأي لبس أو تأويل قد يسيء إلى الحزب أو يمس بالثقة في المؤسسات، مشدداً على أن الخطوة تعكس ما اعتبره روح المسؤولية السياسية والأخلاقية التي يؤمن بها.

وكان مصدر قيادي ف البام كشف ل”گود”، بلي عبد الرحيم بنضو، اللي كيتم تم التحقيق معه على شي قضية خايبا، مبقاش امين جهوي للبام، هادي مدة.

وحسب المصدر ل”كود” فراه تحيد وتعين بلاصتو هشام الصابيري كاتب الدولة المكلف بالشغل، ورئيس المجلس الوطني للموثقين سابقا.

‎الصابري كان تعين فالتعديل الحكومي ومحسوب على تيار المنصوري.

‎وكانت “گود” نشرت نقلا عن محامين مقربين من بنضو باللي قاضي التحقيق فاستئنافية كازا قرر اليوم الأربعاء بتاريخ 04 فبراير 2026، إغلاق الحدود فوجه هاد لملايري اللي بدا فالتهريب عبد الرحيم بن الضو واللي هو الامين الجهوي لحزب الأصالة و المعاصرة فكازا.

‎وحسب ما قالو هو ومحاميه باللي قاضي التحقيق لدى الغرفة الأولى وبعد الاستماع ليه ل3 ايام ولشي مسير فشركتو قرر يخضعو للمراقبة القضائية وسحبو ليه الباسبور وسدو عليه الحدود.

البام دابا خاصها طردو ماشي تطلب منو يجمد عضويتو. هاد الشي راه احتقار للمواطنين. هادو فسنة انتخابية دارو مسرحية غبية