علق الإعلامي أحمد شوبير، على ارتداء نجله مصطفى الرقم 1 مع منتخب مصر في مباراة أنجولا الأخيرة، في التصفيات المؤهلة لبطولة كأس أمم أفريقيا 2027.

وقال شوبير في تصريحات خلال برنامجه على "قناة النهار": "في ناس عايزة تعمل أزمة بين الشناوي ومصطفى شوبير وبيقولوا إزاي شوبير يلبس رقم واحد بتاع الشناوي".

وأضاف: "لا مش بتاع محمد الشناوي.. عصام الحضري كان لابس رقم واحد في مونديال 2018.. وأحمد الشناوي كان لابس رقم واحد لحد الأمم الأخيرة".

وتابع: "محمد الشناوي بعدها لبس رقم واحد، لو أحمد الشناوي كان موجود في المنتخب كان محمد الشناوي هيلبس رقم 16".

واختتم: "ده الشناوي وهو بيلعب كأس العالم برقم 23، ولما خرج أحمد الشناوي ارتدى محمد الشناوي رقم 1، ولما خرج الشناوي ارتدى مصطفى شوبير رقم 1.. حاجة مفيهاش حاجة وهيتقالك: أصل إنت بتدافع علشان مصطفى".