سلوى خطاب تكشف تفاصيل خضوعها لإجراء تجميلي: «كان في حاجات مضايقاني»

مصدر الصورة

خضعت الفنانة سلوى خطاب مؤخرًا لإجراء تجميلى شمل شد الوجه والرقبة، وإزالة مواد دائمة، إلى جانب تجميل الحاجبين والشفاه.

وكشفت سلوى خطاب تفاصيل الإجراء فى مقطع فيديو، موضحة أنها كانت تعانى من بعض الأمور التى تزعجها فى وجهها، قائلة: «كان فى حاجات مضايقانى وكان عندى تكتلات دهنية فى مناطق فى وشى وكان لازم الدكتور يفتح عشان يشيلها».

وأضافت: «سمعت عن الدكتور وأول ما شوفت شغله، أنا مبحبش تغيير الشكل يعنى لو فيه حاجة هعملها يكون شكلها طبيعى متغيرش فى شكلى وهو حافظ على دا».

وسبق أن تحدثت سلوى خطاب عن أهمية اهتمام المرأة بنفسها، مؤكدة أن العناية بالصحة والجمال تنعكس على الحالة النفسية للمرأة وقدرتها على العطاء، وقالت: «المرأة يجب أن تهتم بصحتها وجمالها قبل أى شيء، لأن ذلك ينعكس على حالتها النفسية وقدرتها على العطاء، وأنا بحب الست اللى بتاخد بالها من نفسها، لو ماخدتش بالها من نفسها محدش هياخد باله منها».

وخلال لقائها مع الإعلامية أسما إبراهيم فى برنامج «حبر سري»، المُذاع عبر شاشة «القاهرة والناس»، أكدت سلوى خطاب حبها للنساء والفتيات المهتمات بأنفسهن، قائلة: «لو مش مهتمة بنفسك، مش هتقدمى حاجة لحد.. لازم تهتمى بشعرك، ببشرتك، بصحتك.. ده مهم عشان نفسك قبل أى حد تانى، لازم تشوفى زيت لشعرك وكريم لوجهك، لأن ده بيريح نفسية السيدات بشكل كبير».

وتابعت حديثها عن أهم ما تحتاجه المرأة فى حياتها، قائلة: «فلوسك وصحتك هم الأساس.. أهم ما تملكه المرأة هو صحتها واستقلالها المادى، الست مالهاش غير فلوسها وصحتها.. كل حاجة تانية بتيجى وتروح، لكن دول الأساس».

اقرأ أيضًا:

سلوى خطاب:«الست ملهاش غير فلوسها وصحتها.. كل حاجة بتروح وتيجي»