أحمد مالك بعد جائزة أفضل ممثل فى الجونة: اتعلمت إن كلمة ليه هى أول طريق النجاح

منذ

أعرب النجم أحمد مالك عن سعادته الكبيرة بعد حصوله على جائزة أفضل ممثل من مهرجان الجونة عن فيلم "كولونيا"، وعلق عبر صفحته قائلاً: "حقيقي كل الحب اللي وصلي عندي أغلي من أي جايزة، شكرا شكرا".

مصدر الصورة

تعليق احمد مالك بعد فوزة بجائزة افضل ممثل

وتابع أحمد مالك : لو اتعلمت حاجة فهمت إن كلمة "ليه" ممكن توصلنا حتت كتير أوي، ده أول سؤال سألته لما بدأت أمثل، السؤال ده خلاني أحب التمثيل بجد، ومن هنا بدأ المشوار ولحد دلوقتي قبل أي شغلانة بسأل ليه الشخصية ديه بتعمل اللي بتعمله ومش بهدى غير لما ألاقي الرد، وفعلا السؤال هو أول الطريق والرد بيجي بعد تعب كتير، أنا حاسس إن الجايزة دي رد، بس الرد الأكبر انتم، وإن شاء اللّه نحضر سوا نجاحات أكتر، شكرا من قلبي".

وكان أحمد مالك قد قال في كلمته عقب فوزه بجائزة أفضل ممثل عن دوره فى فيلم "كولونيا" خلال حفل ختام الدورة الثامنة من مهرجان الجونة السينمائي: "أخيراً جائزة أفضل ممثل وصلت بلدها مصر، وأول مرة ممثل مصري يفوز بيها.. فخور بإني جزء من هذا الامتداد الفني العظيم".

واختتم كلمته بتوجيه الشكر لكل من شاركه النجاح قائلاً: "بشكر فريق عمل فيلم كولونيا، والمخرج محمد صيام، وأهلي اللي وقفوا جنبي دايماً – شكراً يا ماما، يا حسن، يا علي، يا تمارا، وحبيبة، وعلاء، وكريم. شكراً للجنة التحكيم، ولمهرجان الجونة اللي بدأ معانا أول فيلم افتتاح ليّ، وشكراً لكل الشباب... مهما كانت الصعوبات، كملوا، لأن الحلم يستحق".