هنا الزاهد تكشف أسباب غيابها عن رمضان المقبل

وقالت الزاهد، خلال لقائها مع برنامج "ET بالعربي": "أنا قدمت مسلسل إقامة جبرية السنة دي وكان قوي جداً والناس اتخضت من التمثيل والقصة، فماينفعش أعمل في رمضان حاجة أقل من المستوى ده".

وأضافت: "الورق اللي كان بيجيلي ماكنش عاجبني، وأنا عاوزة أقدم حاجة مختلفة وجديدة وأخض الناس تاني".

وأشارت هنا الزاهد الى أنها تفضل انتظار فرصة مناسبة لتقديم عمل جديد يليق بجمهورها، مؤكدة أنها تركز حالياً على اختيار أعمال مبتكرة تبرز قدراتها الفنية وتقدم شيئًا مختلفًا عن ما قدمته سابقاً.

هنا الزاهد توجه رسالة الى مي عز الدين وتكشف موقفها من المعاكسات

كانت هنا الزاهد، قد كشفت في تصريحات على هامش تكريمها في الدورة العاشرة من مهرجان "ضيافة" عن موقفها من المعاكسات، قائلةً: "أنا مش بتعاكس في الشارع، بس في حياتي فيه ناس بتحاول، لكني ما بسمحش لحد يتعدّى حدوده. أوقات بيكون الكلام لطيف مش أكتر".

وحكت هنا عن موقف طريف تعرّضت له، قائلةً: "مرة حد كلّمني في شغل، بس صوته ما عجبنيش خالص، كنت أغريسف جداً، صوته كان عامل كأنه نايم فقلت له: إنت نايم ولا إيه؟ فصدّيته على طول".

وعن تعاملها مع الإعجاب، قالت هنا الزاهد بصراحة: "لما أكون معجبة بحد، أتعامل معاه وحش جداً، علشان ما أظهرش له اللي جوايا، مش ببيّن إعجابي أبداً. ومعنديش وقت للتسلية، الوقت كله للشغل".

ووجّهت هنا رسالة تهنئة الى الفنانة مي عز الدين بزواجها، قائلةً: "عايزة أقول لمي مبروك كنتي زي القمر، وكلنا فرحنا والوطن العربي كله فرح، يارب تبقي سعيدة ويحافظ عليكي وتتهنّي في حياتك يارب".

وأكدت هنا الزاهد أنها ستبدأ تصوير مسلسلها الجديد مطلع شهر كانون الأول (ديسمبر) المقبل، وهو مكوّن من عشر حلقات.

مصدر الصورة صورة نشرتها الفنانة على صفحتها الانستغرام -تصوير:بدون كريدت