أحمد موسى: الصهاينة والإخوان أعدائنا وإسرائيل دولة "لقيطة" فيديو)

في حال واجهت مشكلة في مشاهدة الفيديو، إضغط على رابط المصدر للمشاهدة على الموقع الرسمي

أكد الإعلامي أحمد موسى أن التحديات ما زالت قائمة، مشيرا إلى أن التضامن الشعبي خلال حرب أكتوبر 1973 كان حاضرًا بقوة، وكان الشعب كله يتبرع بالدم وغيره.

وقال الإعلامي أحمد موسى في برنامج «على مسئوليتي» المذاع على قناة «صدى البلد» إن الرئيس السيسي أكد أن التحديات ما زالت قائمة، موضحًا أن التضامن الشعبي خلال حرب أكتوبر 1973 والشعب كله كان بيتبرع بالدم وغيره.

وأضاف: «إحنا في ظرف صعب جدًا وهنعديه بالتحمل والتماسك، لما يطلع مجرم الحرب سموتريتش النهاردة بيقول هناخد سيناء أنا كشعب دوري إيه؟ ده عدو، إحنا عندنا 2 أعداء الصهاينة والإخوان، يريدوا إن يفككوا الجيش لكن هذا لن يحدث».

وأوضح: «في 2011 حصل هناك فوضى وإرهاب لكن ما حدث مع الدول الأخرى لم يحدث معانا، واليوم نواجه تحديات هائلة، مش بتكلم هنا عن عيش وسكر وزيت، بتكلم عن تحديات وجودية».

رد على تصريحات سموتريتش

كما استنكر الإعلامي أحمد موسى تصريحات وزير المالية الإسرائيلي المتطرف بتسلئيل سموتريتش بشأن سيناء، مؤكدا أن مصر دولة قوية وقواتها المسلحة على أهبة الاستعداد للدفاع عن الوطن.

وقال ردًا على تصريحات سموتريتش: «إذا تهورت إسرائيل لن يكون هناك كيان إسرائيلي، انتهى الموضوع، أنت بتتكلم عن مصر وعن سيناء، أنت بتتكلم عن حرب».

وأضاف أن ثمن الحرب معروف وقمتم بدفعه فيما قبل، موضحًا: «الـ120 مليون يموتوا عشان بلادهم، إحنا نرد الصاع 10 واللي عملها مرة يقدر يعملها تاني، لو تهورت إسرائيل هتدفع الثمن غالي».

وأوضح: «قواتنا المسلحة جاهزة على أهبة الاستعداد للدفاع عن الوطن في كل زمان وتحت أي ظرف، إذا تهور الكيان الصهيوني ستكون نهايته، الطغاة يتحطمون على أرض مصر، وأي مجرم حرب يتطاول على مصر ردًا هيكون كده إحنا بلد كبيرة».

وتابع: «أنت لو تهورت لن تكون هناك إسرائيل، متقدروش تقربوا من شبر من سيناء، واللي حصل في 67 لن يتكرر مرة أخرى مع مصر».

وأوضح: «إحنا دعاة سلام ولكن بعض المتطرفين في الكيان الصهيوني مش عايزين سلام، ومصر دولة قوية، مجرم الحرب بيقول هياخد سيناء ده تحرش بينا وتهديد لمصر، درس 73 إحنا عارفين كان شكله إيه معاكم، أنتوا دولة لقيطة موجودة، إحنا رجعناكم بالكستور بعد كده مش هيكون فيه كستور لأن مش هيكون فيه أسرى».