عمرو دياب: «الذكاء الاصطناعي غيّر شكل المنافسة في عالم الموسيقى»

مصدر الصورة

تحدث الفنان عمرو دياب عن علاقته بجمهوره وحرصه المستمر على مواكبة التغيرات التى يشهدها عالم الموسيقى، مؤكدًا أن تغير ذوق الجمهور يفرض عليه دائمًا تطوير نفسه ومتابعة التطورات الفنية والتكنولوجية، خاصة مع ظهور تقنيات جديدة مثل الذكاء الاصطناعى.

وقال عمرو دياب فى تصريحات لـ«بيلبورد عربية»: «أي جائزة الجمهور اللى بيجبهالي، وأنا معنديش حاجة غيركم، ويارب أكون عند حسن ظنكم، أنا باجتهد وأشتغل واهتم بجمهورى وتفاصيله، لأن الجمهور بيتغير كل فترة، ولازم أتغير معاه».

وأضاف: «أنا مش بافكر فى إنجازات، أنا بافكر إزاى أسعد الجمهور وأعمل كل اللي أنا نفسى فيه، كل 6 شهور بيبقى في تغيير لذوق المشاهد والمستمع، والتغيير ده بيدينى مسؤولية إنى أطور من نفسي».

وتابع عمرو دياب: «أنا شايف إن المزيكا بتتطور كل شوية، ويجب متابعتها، لأن زمان مكنش فيه وسائل تواصل زى دلوقتى، لكن دلوقتى الموضوع اختلف، ومع ظهور الذكاء الاصطناعى، كنا زمان بننافس التطور الموسيقى، دلوقتى بننافس التطور التكنولوجي، ودى حاجة صعبة».

وكانت موسوعة جينيس للأرقام القياسية أعلنت تسجيل إنجاز جديد باسم الفنان عمرو دياب، بعد تحقيقه الرقم القياسى الأكبر لاحتلاله عدد من الأسابيع فى المركز الأول على قائمة بيلبورد عربية لأفضل 100 فنان (Billboard Arabia Artist 100)، حيث تصدّر القائمة لمدة 69 أسبوعًا.

ويمثّل هذا التكريم ثانى ألقاب جينيس للأرقام القياسية فى مسيرة النجم عمرو دياب، ويضاف إلى سجل فنى استثنائى امتد لأكثر من أربعة عقود، حافظ خلالها على حضوره فى صدارة المشهد الموسيقى العربى، ووصل بأعماله إلى أجيال متعاقبة.