أحمد موسى: الرئيس لما يتكلم مش من فراغ وكل حاجة تكلم فيها مرصودة

في حال واجهت مشكلة في مشاهدة الفيديو، إضغط على رابط المصدر للمشاهدة على الموقع الرسمي

أكد الإعلامى أحمد موسى، أن كلمة الرئيس السيسى خلال كلمته فى حفل تخرج الدورة الـ6 للجهات والهيئات القضائية وضعت الجميع أمام مسؤولية الحفاظ على مصر، مردفًا: «الرئيس لما يتكلم مش من فراغ وكل حاجة تكلم فيها مرصودة، وكانت كلمته تحتوى على رسائل تنبيه وتحذير وتوعية».

وقال أحمد موسى، خلال تقديم برنامج «على مسئوليتي»، عبر قناة «صدى البلد»، إن الرئيس السيسى قال جملة شديدة الأهمية والخطورة فى الإلحاح فى إسقاط الدولة، معقبًا: «الرئيس رجع لـ2011، ولازم كلنا ياخد باله من بداية الخراب اللى حصل فى البلد، والرئيس انتقل لـ2013، وما حدث من الإخوان من محاولة إسقاط البلد بعد نجاح ثورة 30 يونيو».

وتابع: «فى دول هناك سقطت جنبنا فى المنطقة ومصر خطط لها إسقاطها فى 2011، فى قنوات كانت عاملة لوجو فى 2011 مكتوب فيها نعم لإسقاط مصر».

ولفت موسى إلى أن: «لو سقطت مؤسسة البلد ضاعت، الشرطة فى 2011 سقطت يوم 28 يناير، وكان المخطط اللى بعد كده إسقاط الجيش والحمد لله دا ما حصلش، رسالة الرئيس السيسى لازم كلنا نتوقف أمامها، والرئيس وضع الجميع قدام المسئولية علشان نحافظ على مصر من الاستهداف اللى بيتم ليها».

وأكمل: «التحديات التى تواجهنا خطيرة جدًا، والناس بتزعل لما حد بيقولهم فى 2011، فى حد يسقط الداخلية فى حد يسقط الجيش والقضاء، فى حد عاوز يدمر الإعلام، لازم نرجع ونتفكر هما عملوا إيه واقتحموا السجون وخرجوا الإرهابيين بتوع حزب الله وبتوع حماس».

واستطرد: «أنا شاهد عيان على حريق مجمع التحرير وكاتب الكلام دا كله فى كتابى أسرار، وكل مشاهد الدمار والخراب واللى حصل كلّه متوثق قدامكم أهو، وفيه فيديو حصرى كان لصدى البلد إزاى بيتم سرقة المتحف المصرى بالتحرير، دا جزء ما حدث فى 2011».