مصطفى بكري: يا حكومة صحصحي لازم تبقوا واعيين بمشاكل الناس وتشيلوا العبء من على القيادة السياسية

مصدر الصورة

قال الإعلامي مصطفى بكري، عضو مجلس النواب، إن كلمة الرئيس عبد الفتاح السيسي خلال احتفالية المولد النبي كشفت عن وعي القيادة السياسية بمشاكل الكهرباء والتموين واحتياجات المواطنين ومواجهة جشع البعض وارتفاع الأسعار.

وأضاف خلال برنامج "حقائق وأسرار" المذاع عبر "صدى البلد" أن حديث الرئيس السيسي ركز أيضا على ضرورة حماية المواطن في مواجهة بعض المطورين العقاريين، مشيرا إلى أن المشكلة تؤلم مئات الآلاف من الأسر المصرية بالخارج والداخل الذين يواجهون غرامات وأحيانا تمزيق العقود عند التأخر في السداد لأيام معدودة، أو إجبارهم على دفع 10% من القيمة الإجمالية للوحدة عند التعثر، متسائلا: "إيه الافتراء والصلف ده!".

ونوه أن هناك مطورين عقاريين يماطلون في التسليم لسنوات أو يتركون المشروعات غير مكتملة بعد جمع الأموال، قائلا: "في ناس قعدت 10 سنين دفعت الفلوس ولا تعرف راحت فين، يا حكومة صحصحي، يعني أنتم مش قادرين تقولوا من قبلها؟ مش قادرين ناخد إجراءات؟ تستنوا الرئيس بس؟ الرئيس هيحط إيده في كل حاجة وهو وراه 100 ألف حاجة! لازم تشيلوا العبء من على القيادة السياسية، ولازم تبقوا واعيين بمشاكل الناس، إحنا مشاكلنا من الأشكال اللي مش عايزة تقف مع البلد، وسايبة الناس تبقى محتقنة، وتزيد من الاحتقان".

ووجه دعوة إلى الوزراء والمسئولين لتنفيذ توجيهات الرئيس، قائلا: "أنت يا سيادة الوزير بدل ما بتسمع مني كلمتين وتروح تشتكي، ولا أنتِ يا حكومة تروحي تشتكي، ما تسمعوا كلام سيادة الرئيس وتوجيهاته وتنفذوا الكلام، ما تساعدوش في الاحتقان، لموا البلد ولموا الناس، خلوا الرئيس يقدر يشتغل ويتقدم إلى الأمام، متربكوش البلد، النهاردة مشاكل الأسعار أقدر ألمها".

واستشهد بتوجيهات وزير الكهرباء الذي وجه بتطابق الفواتير مع العدادات، وضرورة عدم التعامل مع المتأخرات بإجراءات سريعة كما وجه الرئيس السيسي، قائلا: "عايزين كل الحكومة كل واحد عليه مسئولية يعملها، عايزين نشوف ضبط الأسواق بيتم إزاي، وزير التموين زهق في الكلام مع الشركات المختلفة.. نعمل إيه؟ الفساد بيوصل لأماكن كثيرة، واللي بيعمل قوة ضغط ومراكز كتير، واللي بيلعب من هنا ومن هنا كتير!".