الرئيس السيسي يتحدث عن صعوبة التحدي في قطاع الطاقة: 3 وزراء بيتخانقوا على طول مع بعض

مصدر الصورة

قال الرئيس عبدالفتاح السيسي، إنه يعلم بأن هناك مشاعر سلبية جراء زيادة أسعار الوقود.

وأضاف خلال حفل إفطار الأسرة المصرية: «فيه خناقة بتبقى بين وزير الكهرباء ووزير البترول ووزير المالية.. دي مش خناقة في الموازنة.. دي خناقة على طول.. بس همّ بيتخانقوا مع بعضهم ومش بيقولوا للناس.. وأنا مبحبش الحكاية دي.. أنا أحب أقول دائما بشفافية.. هي دي الحكاية»، وذلك في إشارة إلى صعوبة التحدي في قطاع الطاقة.

وأشار إلى أن الحكومة ستكون سعيدة إذا تقدم إليها أحدٌ بمقترحات للحل، قائلا: «اللي عنده حل يجي وإحنا هنبقى سعداء جدا إن إحنا نسمع منه ومايتغالبش كتير..مايتغالبش كتير.. خليك على قد اللي إنت فيه.. الدولة حاجة تانية خالص.. ومصر حاجة تانية خالص».

ولفت الرئيس إلى أن هناك لأن يصطف المصريون سويًا في الظرف الراهن، في ظال التغيُّر الذي يحدث في المنطقة، وتابع: «إحنا مش عاوزين نبقى وراء بعض.. أنا مش عاوزكم تبقوا وراء مني.. تبقوا جنبي.. وقدامي حتى».

واستكمل: «كل واحد فينا وخاصة اللي بيتكلم أو بيكتب أو فاهم إنه عارف إحنا محتاجين نعرّفه أكتر عشان لما يتكلم تبقى فيه مصداقية لكلامه وإلا كانت مشكلة مصر اتحلت من 50-60 سنة».

ونوه بأن عدم حل المشكلة إما يعود لعدم قدرة المسئولين أو بسبب عِظم المشكلة، وقال: «خلال المدة اللي فاتت دي كلها.. وده مش مَن، ده فضل الله عليَّ وعليكم.. ده مش مَن.. ما أخدتكمش غلط ودخلت بيكم في حاجة خالص».

وشدد على أن هناك دولًا تضيع بسبب حسابات خاطئة، وهو أمر لم يحدث في الفترة الماضية، وقال: «ربنا سبحانه وتعالى لا يجعلنا أبدا نعمل حاجة تؤذي أهلنا وناسنا ويعيننا على ذلك».