رامي صبري: هذه الأغنية كانت لحبيبتي التي ماتت.. وزوجتي لا تحبها

أثار النجم المصري رامي صبري تعاطف الجمهور بعد حديثه عن أغنيته الشهيرة "حبيبي الأولاني"، موضحاً أنها كانت رثاء لحبيبته التي توفيت فجأة.

وكشف الفنان المصري في برنامج "صاحبة السعادة"، قصة الأغنية قائلاً: "دي قصة طويلة، ولكن من البداية أنا متخرج من المعهد العالي للموسيقى العربية قسم تأليف موسيقى، وفي وقت ما كنت طالبا في المعهد حبيت بنت في معهد الباليه، وكان عندي وقتها 20 سنة، وهي عندها 16 سنة، وكنا وقتها بسطاء وأنا مكنش عندي عربية وبنركب الأتوبيس، وكانت أول واحدة قلبي دق ناحيتها".

"زوجتي لا تحب الأغنية"

كما تابع: "أنا كنت غاوي شغل جداً وعندي طاقة كبيرة، وهي دعمتني وقالت لي لازم تنجح وتبقى أهم واحد، والبنت دي فاجأة توفيت ومكنتش لسه لا غنيت ولا معروف، ولما رحلت قعدت 3 أو 4 شهور عندي مشكلة نفسية، وما بقتش عارف أنام وأعيط وأسمع مزيكا أعيط لأني كنت بحبها جدا، وكنت فاكر إن دي اللي هاتجوزها، وقلت لازم أعمل اللي كان نفسها إني أعمله وإني أنجح، وسميت ألبومي اللي عملته، وقلت أول أغنية هسميها "حبيبي الأولاني".

وتابع أن زوجته لا تحب هذه الأغنية متذكراً كيف خرجت للنور، وأضاف قائلاً عن حبيبته "هي كانت جميلة ومحترمة ومؤدبة وبسيطة، كانت أول واحدة أحبها لما أشوفها قلبي يدق، حب مش موجود دلوقتي، ومراتي شيرين عارفة الموضوع دا ومش بتحب الأغنية".

حياتي مش تمام

إلى ذلك، تحدث عن كواليس أغنية "حياتي مش تمام" قائلاً: "حياتي مش تمام هي أول أغنية أنتجها، واكتشفت إني هكسب أكتر، وقلت هجرب في أغنية سينجل، وكان لسه اليوتيوب عدد المشتركين قليل فيه، ورُحت لعزيز الشافعي وقلت له وأخدتها منه ووزعتها مع الموزع جلال حمداوي".

وتابع رامي صبري: "عزيز الشافعي أنا بسميه الفنان الكومبو تاخد منه لحن وكلام، ووزعتها وغنتها أنا والفريق بتاعي، والأغنية جديدة عليا، وقلت الأغنية دي يا إما هتنجح جامد يا إما مش هتنجح خالص، ونزلناها في شهر فبراير وجت الكورونا، وقلت هتقع خلاص، لقيت الأغنية عدت جامد على اليوتيوب في 3 شهور، عشان كلمة أنا خاصمت الشوارع اللي مشينا فيها، فكانت معبرة عنهم عشان كلنا قاعدين في البيوت، والتراك بقى تريند من غير ما أدفع أى حاجة، أنا صحيت من النوم لقيت خاصمت الشوارع في كل العالم العربي وده رزق ربنا".

كما كشف الفنان عن فكرة قلة ظهوره الإعلامي، بأنه مطرب يُفضل أن يستمع له الجمهور أكتر من أن يراه، إذ أشار إلى أنه لا يحب الظهور في بعض البرامج الفنية التي هدفها الأساسي إثارة الجدل والخصومة بين النجوم.