علمت “كود” من مصادرها أن السلطات المحلية فعين سبع غادي تبدا عملية هدم كاريانات “سيدي عبد الله بلحاج” ابتداءً من 20 يونيو، فإطار مشروع إعادة التأهيل الحضري ديال المنطقة وتنظيم الأحياء غير المهيكلة.

وحسب ما أكداتو نفس لمصادر ، فالسلطات لمحلية واعوان سلطة دارو على ديور وعلمهم بالخبر ديال لهدم، باش استعدو واخرجو حوايجهم والآثات ديالهم بلا ضغط.

وفهاد السياق كان سبق ل”كود “أن تواصلات مع كريم الكلايبي، نائب رئيس مجلس مقاطعة عين سبع وعضو مجلس مدينة الدار البيضاء، اللي أكد فتصريحاتو سابقة هاد المعطيات، وكال أن العملية ماشي غير ترحيل تقني، ولكن خطوة مهمة فمسار إعادة التأهيل الحضري للمنطقة.

وزاد الكلايبي أن المشروع كايهدف لإنهاء المعاناة ديال ساكنة الكاريانات وإدماجهم فأحياء سكنية منظمة، وأن هاد الورش جزء من جهود كبيرة للقضاء نهائياً على السكن غير اللائق.

وكان الكلايبي نوه بالمجهودات ديال السلطات المحلية، من والي جهة الدار البيضاء-سطات وعامل مقاطعات عين السبع – الحي المحمدي، وكافة القيادات وأعوان السلطة، على التواصل المستمر مع السكان لضمان الشفافية والإنصاف.

وكان أكد من قبل، أن التنسيق بين المجلس الجماعي والسلطات غادي يستمر باش يتم طي ملف الكاريانات بصفة نهائية.

الدار البيضاء

المصدر: كود

الصفحة الرئيسية

كاريانات سيدي عبدالله بلحاج غادي اتهدم في 20 يونيو والسلطة بدات كتعلم ساكنة .

أخبار ذات صلة

رصيف الصحافة : جمعية منتجي الدجاج تلتمس التحقيق في منظومة التسويق

بتعليمات ملكية.. إطلاق عملية “مرحبا 2026” غدا الأربعاء لاستقبال مغاربة العالم

إقرأ أيضا

حرب إيران.. أمريكا تبدأ هجمات على إيران ردّا على حادثة الأباتشي

فضيحة جديدة هزات كلية سطات.. الضوسي عند وكيل الملك .