ضياء السيد: الأهلي لن يوافق على رحيل إمام عاشور بأقل من 7.5 مليون دولار - الوطن

تحدث ضياء السيد لاعب ومدرب الأهلي السابق، إن إدارة القلعة الحمراء لن توافق على رحيل إمام عاشور لاعب الفريق، بمقابل أقل من 7.5 مليون دولار، وإلا فلن يُقدم الأهلي على بيع عقد اللاعب تحت أي ضغوط.

أضاف في تصريح خاص لـ«الوطن»، تعليقا على أنباء قرب انتقال إمام عاشور إلى الدوري التركي: «لو 7.5 مليون دولار أعتقد الأهلي هيقبل البيع، لكن أقل من كده الأهلي مش هيبيع».

هل يتأثر الاهلي برحيل إمام عاشور؟

وعن إمكانية تأثر الأهلي برحيل إمام عاشور، أوضح ضياء السيد: «إمام لسه فاضل في عقده عامين، ولو لم تتم الصفقة سيكمل عقده، الموضوع بسيط وليس خناقة، ومفيش حاجة هتأثر على الأهلي لأنه عامل صفقات كويسة، وعمل فرقة شابة، وعمر ما فيه حاجة كانت بتأثر على الأهلي».

وعن صفقة علي محمود، لاعب الأهلي الجديد، أكد ضياء السيد: «صفقة ممتازة للنادي الأهلي، وصفقات الأهلي كلها في الميركاتو الجاري ممتازة جدًا، والنادي نزل بالأعمار كلها، والصفقات دي هتفيد الأهلي لمدة 5 مواسم».

ضياء السيد: مباراة الأهلي وبرشلونة تاريخية

وعن مباراة الأهلي وبرشلونة في كأس خوان جامبر، وتشكيل الفريق المتوقع، قال ضياء السيد : «في مدرب جديد ولاعيبة جديدة وما تعرفش الشغل عامل إزاي في معسكر الفريق، والتشكيل هيقوله عموتة، وبعد ما ينزل إحنا بقى نعقب على التشكيل، ومن وجهة نظري هم لعبوا ماتشات ودية وكل اللاعيبة لعبت، وعندك ماتش دوري كمان 4 أيام، هتبدأ بمين وتغييراتك هتبقى إيه وهتريح مين؟».

وأضاف: « الأهلي هيلعب بالتشكيل الأساسي أمام برشلونة لأنه ماتش مهم، وإنك تعمل ماتش كويس أمام برشلونة دي حاجة مهمة».

وعن اللاعبين المنتظر مشاركتهم، أوضح: «لسه مش عارفين فكر المدرب، ومش هقدر أقول المدرب هيبدأ بسفيان بن جديدة ولا منصف بقرار، ولا هيلعب مين في الشمال بن شرقي ولا حسين الشحات».

وعن إمكانية تأثير مباراة برشلونة على انطلاقة الأهلي في الموسم الجديد، قال: «لا، مش هيأثر ولا حاجة، ده ماتش للتاريخ، وده ماتش حاجة كويسة جدًا، والأهلي لازم يعمل ماتش كويس».