في حال واجهت مشكلة في مشاهدة الفيديو، إضغط على رابط المصدر للمشاهدة على الموقع الرسمي

حلت الفنانة غادة عبدالرازق ضيفة على الإعلامي الإماراتي أنس بوخش، ضمن برنامجه «ABtalks»، الذي يُعرض عبر مواقع التواصل الاجتماعي ومنصة «يوتيوب»، للحديث عن عدد من المحطات الإنسانية والفنية في حياتها.

وبدأ أنس بوخش اللقاء بسؤاله المعتاد: «بصراحة، كيف حالك؟»، لتتأثر غادة عبدالرازق وتكشف عن مرورها بفترة أصبحت خلالها أكثر حساسية، قائلة: «متلعبش على السؤال ده كتير، لأن دمعتي قريبة، وبقالي فترة بقيت حساسة، وأنا مكنتش كده وكنت بعمل كنترول».

وأضافت: «بمجرد السؤال حسيت إني عايزة أعيط، وبقى عندي توتر وخوف وتفكير متواصل مش عارفة أوقفه، وعدم استمتاع باللحظة، وحاجات كنت ممكن أتخيل لما أكبر في السن إنها هتتشال، وطلع العكس، كل ما بتكبر بتزيد».

وتابعت غادة عبدالرازق: «ممكن أكون بتكلم مع حد فيصعب عليّا نفسي، مش عارفة ليه؟ بدل ما أتكلم بمنطلق قوة، بقيت فجأة بتكلم بضعف، خاصة لما بتكلم في حاجة تخصني أو من حقي، وبقالي فترة واخدة جنب، وبقول لنفسي: متتكلميش في حاجة ومتفتحيش في مواضيع».