"أخفيت جثمانها فى شنطة سفر وروحت أكلت سمك".. اعترافات قاتل فتاة الإسكندرية

منذ

ينفرد «اليوم السابع » بنشر نص التحقيقات مع المتهم "م. س.ش" فى قضية اتهامه بقتل المجني عليها " ضحي .ع. أ" في الإسكندرية، والمعروفة إعلامية بـ فتاة "الدار" وسرقتها والتعدي عليها، حيث كشفت التحقيقات عن اعترافات المتهم بأنه كان يعمل في إحدى الدول العربية لمدة 3 سنوات تقريبا ونزل في عام 2021 وكان هناك خلافات بينه وبين أعمامه في محافظة سوهاج بسب أنه بعد وفاة والده كان له ميراث في محل جزارة بتاع العائلة.

وتابع المتهم في اعترافاته: "أنا وشقيقي الأصغر بس وهم عشرة أعمام وابنائهم وأنا سبتلهم المحل وقولت اعتمد علي نفسي واكون نفسي ورحت اشغلت في الغردقة شهرين قبل المجائ إلي الاسكندرية، وعند وصولي إلي الاسكندرية كنت معرفش حد هنا وقلت أشوف شغل واشتغلت في محل وأجرت شقة في شارع خالد ابن الوليد وكنت مأجرها باليوم علشان مكنش معاي فلوس ساعتها واشتغلت جزار في مطعم معروف في خالد ابن الوليد، وكنت بعمل من الساعة 5 العصر حتى الساعة 3 الفجر وفي يوم الواقعة جالي شاب سوري شغال معاي كان عايز نجيب حشيش واشتريت قطعة حشيش من سمسار في المنطقة وشربانها ونزلت روحت المحل علشان أنزل ثلاجة".

واستطرد: "وبعد كدة وأنا راجع إلى الشقة لقيت بنت واقفة شايلة كيسين هدوم في ايدها تحديدا الساعة 3.30 الفجر فسألتني متعرفش حد بيأجر شقة فيها حجرتين وأنها تقعد في غرفة لحد الصبح، فقولتلها محدش حيأجرلك وبعدين عرضت عليها وقولتها أنا عندي شقة فيها غرفتين وأنها تقعد في غرفة لحد الصبح علشان مينفعش أسيبها لوحدها في الشارع بالليل، فوافقت وطلعنا الشقة اللي أنا مأجرها في الطابق العلوي، وبعد كدة شربت حشيش في غرفتي وطلعت سألتها عن سبب وجدها في الإسكندرية، قالتلي إن أبوها طردها من المنزل وبيعاملها وحش وأنها من محافظة الفيوم وبيعامل أخواتها أحسن منها وأنها نزلت الاسكندرية، علشان تعيش لوحدها وتدور على شغل".

وأضاف :"وبعدين لما لقيتها كدة أنها وحيدة ومش عايزة تعيش مع اهلها وأنا وحيد وسايب أهلي في الصعيد عرضت عليها الزواج على سنة الله ورسوله وقالتلي أنا مش معاي فلوس فرديت عليها سيبيها على الله، وبعد كدة قعدت أكمل وأشرب حشيش وبعد كدة حضنتها وتعديت عليها، ولقيت معها كيس حسيت أنه في فلوس فسألتها إيه دة رديت علي انه أوراق خاصة بها، وبعد كدة أخدت حمام ونزلت على المقهي وطلعت تاني بعد حوالي ربع ساعه، ولما حسيت أنها نامت أخذت كيس الفلوس ولما صحيت سألتني عن كيس الفلوس قولتها معرفش وصوتها علي قولتها أنتي قولتي معيش فلوس، متخفيش فلوسك معاي شايلهالك هندفع الإيجار وثمن المأذون وجبت الفلوس وعدتهم أمامها 8200 جنيه".

واستطرد المتهم في اعترافاته: "وبعد كدة صوتها علي وكانت عايزة الفلوس وقالت لو ما جبتش الفلوس حصرخ وألم عليك الناس وافتح الشباك وفتحت الشباك وساعتها ضربتها بالقلم ، ودخلت عرفتي وبعد كدة لقيتها داخلة عليها ومعها سكينة المطبخ أخدتها منها وضربتها بالقلم وقمت حاطط الوسادة على وشها على السرير وقعدت أضغط عليها لحد ما فارقت الحياة وأخدت الفلوس وقعدت أشرب حشيش علشان أعرف أفكر كويس، فقمت لقيت فيها الروح لسه فخفت منها تصحي وتصوت تلم عليا الناس لقيت حبل غسيل على الأرض كنت شاريه علشان أعمل منشر فأخدته ولفيته على رقبتها وشديته جامد علشان أتأكد إنها ماتت نهائي وساعتها مكنتش حاسس أنا بعمل إيه ونزلت على المقهى وطلعت تانى لقيتها ماتت"

المتهم تعاطيت مخدر الحشيش وقتلتها

واضاف المتهم في التحقيقات: "نزلت من الشقة إلى محل شنط اشتريت شنطة سفر كبيرة علشان أحطها فيها وأنزلها فيها واشتريت الشطنة بـ 500 جنيه وطلعت الشقة ووضعتها في الشطنة بعد ما شلت الحبل من رقبتها بنفس ملابسها، وعندما أغلقت الشطنة السوستة انقطعت مني فنزلت اشتريت حبل وطلعت ربطت الشنطة بالحبل وحملت الشطنة على كتفى ونزلت من الشقة وكان الشارع فاضي، وقفت تاكسي من اول الشارع وقولته مش عارف اسم المكان اللي انا رايحه فقالي السائق حط الشنطة علي الكرسي اللي وراء قولته فيها سمك وبط افتح شنطة العربية وحطيتها فيها وفي طريقي علي الكورنيش لقيت كمين فقولت للسائق ارجع تاني علشان معاي حشيش وعند عودتي عملت نفسي بتكلم في التليفون مع ابن عمي علشان السواق لا يشك فيا، ونزلت عند سور أرض كوتا ونزلت الشنطة وحاسبت السائق وتركت الشنطة بجوار نخلة على الرصيف ومشيت ورحت أكلت في مطعم سمك وخفت مرجعتش الشقة تاني".

وتابع: "استاجرت شقة تاني في نفس الشارع ونمت حوالي ساعتين وأنا نايم سمعت واحد برة الشقة بيقول عايزين نراجع الكاميرات فخفت فقمت غلست وشي وذهبت للشقة القديمة أخدت التليفون بتاعها والعلبة وسبت كل حاجة زي ما هي وحطيت حاجتها وهدومها في الشنطة بتاعتها في كيسين ورميت كيس منهم قرب الشقة والكيس التاني في الشقة الجديدة ونزلت بعت التليفون في شارع خالد ابن الوليد ب4500 جنيه وكنت رميت الخطوط منه وذهبت ركبت من سيدي جابر سيارة أجرة الي رمسيس القاهرة ، وطلعت فندق في رمسيس قاعدة 4 ساعات وبعد كدة نزلت حجزت أتوبيس الي محافظة بورسعيد ورجعت الفندق لقيت الامن جو الفندق وإخدوني علي قسم باب شرقي واعترفت بارتكاب الواقعة".