كازومي يكشف عن أقدم مصمم معارك فى مصر ببودكاست الشغلانة

في حال واجهت مشكلة في مشاهدة الفيديو، إضغط على رابط المصدر للمشاهدة على الموقع الرسمي

كشف أحمد كازومي Action director عن أقدم مصمم معارك في مصر داخل السينما والدراما، أثناء حلوله ضيفاً ببودكاست الشغلانة الذى يقدمه الناقد الفني آسر أحمد، ويعرض عبر منصات السوشيال ميديا الخاصة باليوم السابع كل يوم أربعاء، ويناقش من خلاله كل ما يخص السينما والدراما والمسرح.

أقدم مصمم معارك في مصر

وقال كازومي: أنا معلوماتي إنه كان في زمان راجل اسمه طوخي ده اللى كان بيعمل المعارك القديمة، بعد كده بدأ يتقدم الموضوع وتيجي ناس من بره مصر تضيف خبراتها داخل الميديا، مثل أندرو.

وأضاف مصمم المعارك كازومي : أنا أخدت كورسات واشتغلت مع عمرو مجايفر وأندرو، والكورسات اللى أخدتها استفدت بها جداً، كنت ممكن أقولك قبل الكورسات عندي خبرات وحافظ وفاهم وهكذا، وبعد الكورسات بقيت فاهم امتي أحط الكاميرات هنا وهنا، وفاهم الحبل بيشيل كام كيلو مثلا، وبقيت أعرف كل التفاصيل الخاصة بالتصوير والكاميرات.

السقا حبسنى فى أوضة 6 ساعات علشان كنت الدوبلير بتاعه

وأضاف كازومي في حديثه: بمناسبة الدوبلير في تصوير مسلسل العنكبوت، المفروض أحمد نادر جلال قالى أنا دوبلير أحمد السقا، وقالى هتجري مكانه فوق القطار، أحمد السقا شافني لابس اللبس بتاعه وحالق زيه وحاطط التاتو بتاعه، قالى انت مين؟ والسقا فعلا بيعمل كل حاجة بنفسه لأنه عاوز يعمل كل حاجة بنفسه، متابعا: خدني جوا الأوضة وحبسني لمدة 6 ساعات قاعد، كلمت الناس قولتلهم أحمد السقا حابسني في الأوضة ومش عاوزني أنزل".

من هو كازومي

يعمل كازومي مصمم معارك سينمائية وله الكثير من الأعمال الشهيرة منها "غرفة 207 - رنيا وسكينة - أشغال شقة - رامبو - هو في إيه - اتنين غرنا - بابا وماما جيران - 220 يوم – ديبو - عائشة لا تستطيع الطيران - سفاح الجيزة - بنات الروبي - فضة - ولاد رزق 3 – برستيج - اللعبة - الكاميرا الخفية".