رئيس هيئة التأمين الاجتماعي يكشف الحد الأدنى للاشتراك وقيمة المعاش(فيديو)

في حال واجهت مشكلة في مشاهدة الفيديو، إضغط على رابط المصدر للمشاهدة على الموقع الرسمي

كشف اللواء جمال عوض، رئيس الهيئة القومية للتأمين الاجتماعي، تفاصيل خطة الدولة لإصلاح منظومة التأمينات الاجتماعية، مؤكدًا أن تطوير المعاشات يتم بصورة تدريجية وفق أسس اكتوارية تضمن استدامة النظام وتحقيق العدالة بين المشتركين.

وقال اللواء جمال عوض خلال مداخلة هاتفية مع الإعلامي أحمد موسى في برنامج "على مسئوليتي" المذاع على قناة "صدى البلد": "ليه مش بنحط حد أدنى للاشتراك؟ لغاية 2018 كان 250 جنيه، ومن ضمن محاور الإصلاح اللي عملها القانون رقم 148 حط حد أدنى سنة 2020 بقيمة 1000 جنيه، ووصلنا دلوقتي إلى 2700 جنيه، وأول السنة الجديدة هيبقى 3000 جنيه، لأن الحد الأدنى للمعاش له حساباته المرتبطة بأجور المشتركين في التأمينات".

وأضاف: "إحنا عاملين زيادة تدريجية ونقدر نحسن حالته، ونظام التأمينات نظام طويل الأجل، وإصلاح الأنظمة طويلة الأجل مش بيتم من يوم وليلة".

وتابع: "سمعنا إن فيه ناس دلوقتي بتطلع معاشات بتاخد 5000 جنيه، مكنش كده السنتين اللي فاتوا كانوا 1500 جنيه، وفيه زيادة سنوية وإصلاح تدريجي مستمر".

وأضاف: "الحد الأقصى للمعاشات اللي هيخرج السنة دي 13360 جنيه، والناس اللي اشتركت على الحدود القصوى من أول يوم اشتراك هي اللي ليها معاش بالشكل ده، واللي بيطلعوا معاش كل سنة نحو 300 ألف واحد".

وأشار إلى أن: "عندي ناس بتصرف معاشات من الثمانينيات بتدخل في 10 آلاف إلى 13 ألف جنيه، أما اللي بياخدوا 1700 جنيه فدول خرجوا السنة اللي فاتت ومشتركوش كتير على أقل أجر، وقيمة المعاش بتعتمد على قيمة الاشتراك ومدة الاشتراك".