محمد فهيم يحتفل بعيد ميلاد الزعيم عادل إمام على طريقته

منذ

حرص الفنان محمد فهيم على الاحتفال بعيد ميلاد الزعيم عادل إمام ، من خلال استعادة واحدة من ذكرياته القديمة معه، كاشفًا عن قصة “كشكول” احتفظ به منذ أيام الجامعة، كان يخصصه بالكامل لأخبار الزعيم وصوره وحواراته الفنية.

مصدر الصورة

محمد فهيم يحتفل بعيد ميلاد الزعيم عادل امام

وأعاد محمد فهيم منشوراً عبر حسابه على مواقع التواصل الاجتماعي، روى فيه تفاصيل حبه الكبير لعادل إمام، قائلاً: الزعيم عادل امام الحب الكبير لدرجة ان لما كنت في الجامعة عملت كشكول له مخصوص، وبقيت أكتب فيه عنه وعن أخباره وحواراته وعن حبي ليه ودفاعي عنه وليه هو فعلا الزعيم، وفي البيت كانوا برضو بيحبوه جدا بس كانوا يقولولي طيب ما كفاية إنك بتتفرج على كل أفلامه (لدرجة إني كنت بسجل أفلامه على شرايط كاسيت وأشغلها وأنا نايم) ليه بتقصقص أخباره وتكتب أنت في كشكول وهو مش شايف كل ده، قولتلهم بهزار يمكن أقابله ويمضيلي".

وأضاف فهيم خلال منشوره: "أول مرة بصراحة أعلن عن الكشكول ده عالملأ كده، بس أقولكم بقى إنه حصل ولما عرفت إنه جايلنا مسرحية قهوة سادة كنت في أسعد لحظاتي، وشاف الكشكول، ومضالي بكل حب وهزار وأنا منشكح انشكاح ومش حاسس بحاجة غير إني طاير ومش مصدق إنه مضالي وإني وصلت حبي وتقديري له”.

واختتم الفنان محمد فهيم حديثه قائلاً: "دي شوية صفحات من الكشكول فيهم حب وهزار وحوارات وسيرة ذاتية، يا زعيم عقبال مليون مليون سنة حب وسعادة وتاريخ منور حياتنا".