«صعبة الحياة وانت بعيد عنى».. الموسيقار صلاح الشرنوبي يتذكر نجله الراحل بكلمات مؤثرة

مصدر الصورة

تذكر الموسيقار صلاح الشرنوبى، نجله الراحل المهندس محمد الشرنوبى، بكلمات مؤثرة، معبرًا عن صعوبة الحياة بدونه، ذلك بالتزامن مع اقتراب ذكرى رحيله الأولى.

وكتب صلاح الشرنوبى عبر حسابه الرسمى على «فيسبوك»: «حبيبى يا محمد وحشتنى أوى ومفتقدك صعبة الحياة وأنت بعيد عنى».

وكان الموسيقار صلاح الشرنوبى، تحدث عن علاقته بنجله الراحل خلال حلوله ضيفا على برنامج «كلام الناس» الذى تقدمه المذيعة ياسمين عز والمعروض على قناة «MBC مصر»، قائلًا: «كان شعلة نشاط وحيوية، هو ابنى الأكبر وكان سند ليا وكان المستشار الأول بالنسبة ليا، كل صغيرة وكبيرة برجع له فيها، كان ذكى جدًا ومهندس وأكتر حد كان حابب الامتداد بتاعى أنا كهندسة ومزيكا، كل تفصيلة منذ بدأت وحتى وفاته كان عارفها عنى، كان موسوعة كنت معتمد عليه فى امتداد شرنوبى، طبعًا ربنا يخليلى ولادى رامى وزياد وأحمد».

وأضاف: «محمد رحمه الله، جاتله فجأة سخونية ورعشة وكان لسه جاى من عمرة قبل رمضان على طول، وكان حضر معايا حدثين وبعد كده راح عمرة مع إخواته ووالدته، وفجأة فى شهر 4 حصله سخونية ورعشة وعرضناه على دكاترة وهو من النوع اللى مبيحبش الدكاترة، وبدأ يتحرك مع والدته وإخواته علشان يروح للدكاترة، وكان بياخد مضادات حيوية واتعرض على دكاترة فى تخصصات مختلفة وقالوا مفيش مناعة وفيه فيروس وحاولنا نسعفه بأى شكل، وبعد ما احتاروا كل الأطباء قالوا نروح مستشفى الحميات علشان يبحثوا عن سبب الحمى دى، ولكن الفيروس كان متمكن منه ولكن دى حكمة ربنا وقدر الله وما شاء فعل».

ورحل عن عالمنا نجل الموسيقار صلاح الشرنوبى فى يونيو 2025، وخرجت جنازته بعد أداء الصلاة عليه من مسجد عمر مكرم فى وسط البلد.

اقرأ أيضًا:

صلاح الشرنوبى ناعيًا هانى شاكر: فنان استثنائى لن يتكرر وأعماله ستظل خالدة