عمرو الليثي وأحمد صيام يكشفان أسرار الشخصيات الاسطورية في افلام السينما وإنه ا مستوحاة من الحارة الشعبية

مصدر الصورة

للعام السابع على التوالى يقدم الإعلامى الدكتور عمرو الليثى والفنان أحمد صيام برنامج «رمضان المصرى مع الحرافيش» ودويتو من البرنامج الشهير «رمضان المصري»، وزيارة جديدة للتاريخ واللقاء مع فتوات والمعلمين وكل يوم حكاية جديدة من أجمل حكايات مصر المحروسة حكايات الحرافيش المعلمين.. والفتوات الكبار والتي تندمج مع حرافيش نجيب محفوظ الفتوات واللي كانوا المادة الاصلية لمعظم روايات اديب مصر العالمي نجيب محفوظ.. وأشهر معلمين السينما المصرية ومنهم زكي رستم محمود المليجي فريد شوقي توفيق الدقن.

وقال عمرو الليثي ان حلقة اليوم من البرنامج والتي تتحدث عن لشخصيات الاسطورية اللي رسمها خيال أديبنا الكبير الاستاذ نجيب محفوظ واستوحاها من الحارة الشعبية.

وعقب الفنان "احمد صيام " المعلم رمضان المصري تحدث عن شخصيات كتير من روايات نجيب محفوظ، زي شمس الدين و'سماحة' و'جلال'.. ولاد وأحفاد عاشور الناجي.

واضاف عمرو الليثي ان الأديب الكبير نجيب محفوظ كان بيورينا إن 'الكرسي' ده نار، واللي يقعد عليه لازم تكون 'قماشته' تقيلة.

عمرو: الاستاذ نجيب كتب في أولاد حارتنا وفي ملحمة الحرافيش وفي الثلاثية، عن شخصيات كتير وكلها أصبحت جزء من حياتنا كإننا نعرفهم وعشنا معاهم.

صيام: كتير يادكتور، كتير.. وكان منهم الفتوة ومنهم الحرفوش، والظالم والمظلوم،.. منهم شمس الدين و'سماحة' و'جلال'.. ولاد وأحفاد عاشور الناجي. منهم اللي صان الأمانة، واللي ضيّعها عالهلس والسهرات

عمرو: وشوفنا إزاي الفتونة بيتغير شكلها من جيل لجيل. 'شمس الدين' كان زي أبوه عاشور، فتوة عادل لكن 'سماحة' هرب وساب الحارة. إيه اللي بيخلي ابن الفتوة مايطلعش زيه يا معلم؟

صيام: شوف يا دكتور، الفتونة 'جينات' بس الرك عاالتربية'. 'شمس الدين' كان شريب شاي بقرنفل وعارف ربنا، فطلعت فتونته 'هادية'. لكن 'سماحة' غلبه الحب والهروب. الحرافيش يا دكتور عمرو مابيرحموش.. لو شمّوا ريحة 'ضعف' في ابن الفتوة، بياكلوه صاحي! وعشان كده الاستاذ نجيب كان بيورينا إن 'الكرسي' ده نار، واللي يقعد عليه لازم تكون 'قماشته' تقيلة.

عمرو: وده يوصلنا لشخصية مهمة، شخصية 'جلال الناجي'. اللي عجبتني جدا بأداء نور الشريف في (أصدقاء الشيطان).. الفيلم اللي استوحاه السيناريست إبراهيم ناجي من رواية الحرافيش، وبرضه 'حسين فهمي' في (شهد الملكة). اللي عمله مصطفى محرم عن نفس الرواية.

البرنامج يستمر في تقديم حكايات عن أساطير الفتوات، وسيتحدث عن شخصيات أخرى من تاريخ مصر.

حكايات فتوات مصر المحروسة يوميًا مع عمرو الليثي والفنان أحمد صيام وبرنامج " رمضان المصري مع الحرافيش " في شهر رمضان على هواء الشرق الأوسط

تأليف الكاتب الكبير محمد الشبه
الاخراج تامر حسني

يذاع برنامج "رمضان المصرى مع الحرافيش " في الساعة ٥.٢٥ قبل أذان المغرب والاعادة تانى يوم ٩.١٠ صباحا.. اذاعة الشرق الأوسط