في أولي حلقات برنامج "رمضان المصرى مع الحرافيش» عمرو الليثي.. السينما خلدت حكايات فتوات المحروسة

مصدر الصورة

للعام السابع على التوالى يقدم الإعلامى الدكتور عمرو الليثى والفنان أحمد صيام برنامج «رمضان المصرى مع الحرافيش» ودويتو من البرنامج الشهير «رمضان المصري»، وزيارة جديدة للتاريخ واللقاء مع فتوات والمعلمين وكل يوم حكاية جديدة من أجمل حكايات مصر المحروسة حكايات الحرافيش المعلمين.. والفتوات الكبار والتي تندمج مع حرافيش نجيب محفوظ الفتوات واللي كانوا المادة الاصلية لمعظم روايات اديب مصر العالمي نجيب محفوظ.. وأشهر معلمين السينما المصرية ومنهم زكي رستم محمود المليجي فريد شوقي توفيق الدقن.

واعرب الإعلامي د. عمرو الليثي في بداية الحلقة عن سعادته اننا هانتقابل معاكم للسنة السابعة انا وصديقي رمضان المصري " احمد صيام " اللي بيوحشني من السنة للسنة، وان حلقات برنامجنا السنة هاتكون عن الفتوات.. الحكايات الحقيقية لفتوات المحررسة اللي كانوا ابطال الحارة الشعبية زمان، وكمان كانوا ابطال روايات نجيب محفوظ اللي استمتعنا بيها سنين طويلة على شاشة السينما..

ويعقب صيام.. زمن الفتوات، دا كان زمن الجدعنة والشهامة والمروءة، الفتونة كانت اخلاق ونصرة للضعيف ووقفة مع الحق ضد الظلم والافترا،

ويرد عمرو الليثي: فعلا يامعلم رمضان، الفتونة ماكانتش بلطجة أبدا، كانت نظام اجتماعي له قواعد وقوانين واخلاقيات، نظام شعبي مهم وقوي جدا، وفضل مستمر من سنة ١٩٠٠ حتى خمسينات القرن الماضي..

ويشير صيام: ولا ننسي ان السينما حفظت لنا حكاياتهم، وقام بأدوارهم ممثلين وحوش، مين ينسى المعلمين الكبار.. زكي رستم وفريد شوقي ومحمود مرسي وتوفيق الدقن وعادل ادهم ومحمود ياسين ونور الشريف وغيرهم كتير..

عمرو: فعلا كانوا كلهم عظماء، وقاموا بادوار خالدة في افلام كتير.. الحرافيش والمطارد والتوت والنبوت وبين القصرين والسكرية وعشرات المسلسلات..

حكايات فتوات مصر المحروسة يوميًا مع عمرو الليثي والفنان أحمد صيام وبرنامج " رمضان المصري مع الحرافيش " في شهر رمضان على هواء الشرق الأوسط

تأليف الكاتب الكبير محمد الشبه
الاخراج تامر حسني

يذاع برنامج رمضان المصرى مع الحرافيش في الساعة ٥.٢٥ قبل أذان المغرب والاعادة تانى يوم ٩.١٠ صباحا