كشفت «رضا.ج»، مالكة شركة نقل ثقيل ومواد بناء، المعروفة إعلاميًا بـ «سيدة الشوكولاتة»، في الجزء الثاني من تحقيقات نيابة مدينة نصر بالقاهرة، عن كواليس مغادرتها محل حلوى شهير دون سداد قيمة المشتريات.

نص اعترافات سيدة الشوكولاتة في واقعة قتل عامل بمحل مدينة نصر

وقالت المتهمة بقتل «أحمد شعبان»، عامل، دهسًا للهروب من دفع فاتورة بقيمة 12 ألف جنيه، أمام النيابة «لقيت الكاشير زحمة جدًا، فناديت على الولد ورضيته وإديته 200 جنيه وطلبت منه يكود الطلبات ويعمل الفاتورة»، مؤكدة أنها وجهت سائقها الخاص بانتظار الحساب بينما استقلت هي السيارة، إلا أن مكالمة مفاجئة عن «حادثة لعربية من عربات الشغل على طريق السويس» جعلتها تغادر الموقع مسرعة قبل التأكد من إتمام عملية الدفع.. وإلى نص أقوالها:

س: منذ متى وأنتِ تتعاملين مع ذلك المتجر؟

ج: بقالي 4 سنين تقريبًا.

س: هل من سابق معرفة أو خلافات فيما بينك وبين أي من العاملين بذلك المتجر؟

ج: لا.

س: هل من سابق معرفة أو خلافات فيما بينك وبين المتوفى / أحمد شعبان عبد الغنى علام؟

ج: لا، أول مرة أشوفه.

س: وما هي بدايات تواجدك بالمتجر؟

ج: بعد ما جمعت الطلبات اللي محتاجاها لرمضان، روحت علشان أحاسب لقيت الكاشير زحمة جداً، ولقيت الولد واقف بيساعد الناس علشان يحاسبوا، فناديت عليه ورضيته وإديته 200 جنيه وطلبت منه أنه يكود الطلبات ويعمل الفاتورة.

اقرأ أيضًا|

«روحت أشترى متطلبات رمضان والسواق محاسبش».. اعترافات «سيدة الشوكولاتة» فى قضية قتل بائع بمدينة نصر

«أنا مليونيرة وعندى شقق وعربيات نقل».. «سيدة الشوكولاتة» تنفى تعمد دهس بائع مدينة نصر وتكشف تفاصيل الحادث

«عشان المدير ميخصمش الفاتورة».. «أحمد» ضحية دهس «سيدة الشوكولاتة» دافع عن لقمة عيشه حتى الموت

س: وهل ساعدك المتوفى في طلبك؟

ج: أيوة هو فعلاً كود الطلبات ورتبها في كرتونة، وقال لمحمود اللي معايا يحط الكرتونة في العربية عقبال ما يضرب الطلبات على الجهاز ويجيب لي الفاتورة، وأنا قلت لمحمود هأروح أقعد فى العربية وهو يحاسب ويجيلي، وركبت العربية وبعدها على طول محمود جالي ركب العربية ومشينا.

س: وهل قمتِ بدفع قيمة المنتجات التي تحصلتِ عليها؟

ج: لا.

س: وما الذي حال دون ذلك؟

ج: أنا قلت لمحمود هأروح أقعد في العربية وهو يحاسب ويجيلي، وركبت العربية وبعدها على طول محمود جالي ركب العربية ومشينا، وأول ما ركب كلموني قالوا لى إن فى عربية من عربيات الشغل عملت حادثة على طريق السويس، فجريت علشان ألحق أشوف فى إيه، وبعد ما قفلت باسأل محمود دفع كام قال

لي إنه محاسبش، فكلمت سواق شغال معايا قلت له يروح جري يدفع الحساب، ولكن بعد ما وصل كلمني قال لي إنهم مسكوه علشان في حد بيقولوا إنى خبطته بالعربية ومات وإنى سرقت الحاجة، فتوجهت لقسم أول مدينة نصر وهناك مسكوني وعملوا لي محضر.

مصدر الصورة

«سيدة الشوكولاتة» تكشف تفاصيل اللحظات الأخيرة قبل دهس «عامل مدينة نصر»

مصدر الصورة

«سيدة الشوكولاتة» تكشف تفاصيل اللحظات الأخيرة قبل دهس «عامل مدينة نصر»