تصدر اسم المطربة مي فاروق قوائم البحث على محرك البحث العالمي جوجل في الساعات الأخيرة، وذلك بعد حديثها المؤثر عن الفترة الأخيرة في حياة والدتها، وكشفها تفاصيل صادمة عن شعورها بقرب رحيلها قبل 40 يومًا من وفاتها، وحرصها على تنفيذ وصيتها بكل دقة.
مي فاروق تحدثت خلال لقاء تليفزيوني عن أصعب تجربة مرت بها في حياتها، قائلة: "أمي توفيت وأنا عندي 21 سنة، وكانت أول وأكبر صدمة في حياتي. كنت شايفة إنها قوية جدًا، ومع ذلك رحلت فجأة، وكنت شايفة إنها الوحيدة اللي هتفضل جنبي، لكنها كانت أول واحدة تمشي. كنت متحملة مسؤولية حاجات كتير وشفتها وهي بتتعب، والفترة الأخيرة كل حاجة حصلت بسرعة، وقبل وفاتها بـ40 يوم كنت حاسة إنها هتموت."
وأضافت: "قبل وفاتها كان دايمًا يقلقها إن ممكن تدخل النار عشان بنتكم بتغني، وكانت بتقولي: 'أنا ممكن أدخل النار عشان أنتي بتغني؟' وكنت أواسيها وأقول لها إن ربنا مبيعملش كده، وحساباته مختلفة، وهو اللي أعطاني الموهبة ولو مش عايزني مش هيوفقني."
وعن اللحظات الأخيرة، قالت مي: "قبل الوفاة بأسبوع قالتلي لأول مرة كلام كله حنية: إنها عارفة أني قوية، وبتعرف مين كويس، ودي كانت أول مرة تحكيلي عن حبها الخالص لي، وكانت خايفة عليا من شدة حبها لأن أنا معنديش غيري."
مي أكدت أنها نفذت وصية والدتها بكل تفاصيلها، وحرصت على القيام بكل الإجراءات بعد دخول والدتها في حالة صحية حرجة، من الغُسل إلى ترتيب كل أمورها، بما يرضي الله، لتغادر والدتها الدنيا مطمئنة وسعيدة: "كنت مسؤولة عن كل حاجة، نفذت كل اللي كانت عايزاه، ومشيت وهي مرتاحة وراضية عني."
واختتمت مي حديثها بصراحة مؤثرة: "لسه مش عارفة إزاي عديت السنين اللي بعد وفاة أمي، كنت دايمًا سامعة صوتها بينادي عليا في البيت، وده كان معايا طول الوقت."