فيفى عبده توجه رسالة لـ شيرين عبد الوهاب: بحبك وقومى لجمهورك وفنك

في حال واجهت مشكلة في مشاهدة الفيديو، إضغط على رابط المصدر للمشاهدة على الموقع الرسمي

وجهت الفنانة فيفى عبده رسالة دعم للنجمة شيرين عبد الوهاب ، فى أزمتها الأخيرة، ونشرت فيديو عبر حسابها الشخصى بموقع فيس بوك، وهي تدعمها وتطلب من جمهورها الدعاء لها لتخطيها أزمتها، حيث قالت: بحبك وانتى وحشانا أوي، لازم ترجعي لجمهورك، والجمهور بينسي أي حاجة في الدنيا.

رسالة فيفي عبده لـ شيرين عبد الوهاب

وأضافت فيفي عبده في رسالتها: إنتى جدعه وبنت بلد، قومي متخليش حد يكسرك، انتى فنانة كبيرة أوي، مطربة جامدة، لا يا شيرين، أنا بحبك، لو مش عندي شغل أفضل أخلى بالي منك واطلعك من اللى انتى فيه، حبيبتي شيرين أشوفك بألف خير وعافية، وربنا يخليكى لأولادك، قومي لفنك، الفن ميتعوضش، قومي، يلا اشوفك على خير، كلكم ادعوا لشيرين عبد الوهاب، تقوم بألف سلامة، العين وحشة وتعمل أكتر من كدا، قومي يا حبيبي ومتستسلميش.

شقيق شيرين عبد الوهاب: الناس بتاجر بيها وكله بيألف قصص على مزاجه

وكشف محمد شقيق شيرين عبد الوهاب، عن عدد من الحقائق في أزمة شقيقته الأخيرة شيرين عبد الوهاب، وذلك من خلال حسابه الشخصي على موقع فيس بوك، حيث قال: أقسم بالله العظيم 90% من الأخبار مغلوطة وغير صحيحة تماما والناس اللي بتاجر بيها في البرامج والمداخلات، محدش ساعد غير اتنين أحمد سعد وزينة بس ومحمود الليثي كان كل يوم عندها.

وأضاف محمد عبد الوهاب شقيق شيرين عبد الوهاب: احنا بقي بعيد ليه عشان اللي انته شايفينه ده حياتها عبارة عن حرب احنا لما تدخلنا في سنة 2022 من اربع سنين اتقال علينا ايه اننا نهبناها ومستفدين وناس وحشين طيب ماشي نجحوا انهم يبوظوا علاجها، وبعد أربع سنين ناس تانيه غيرنا أهم فنانين ومعروفين وملهمش مصلحة اللي بيدور معاهم جابوا كل تاريخهم القديم ودول كذا وكذا وإزاي دول اللي يعالجوها مين بقي اللي ليه مصلحة يطلع يشوه الناس دي زي ما شوهنا من قبلهم واللي طالع يقول مش صح انها تروح بيت صحبها كله بيتاجر عرفت منين حضرتك أنها راحت عندها ومتأكد أوى.

وأضاف محمد عبد الوهاب شقيق شيرين عبد الوهاب: زينة عدت عليها يوم قالتلها أنا حاسه إني تعبانة قلتلها المستشفى أهي قريبة يلا بينا راحت واطمنت عليها وهما هناك الدكاتره طلبوا منظار خدت بينج وماكنتش قادرة تركب العربية خدوها بسيارة إسعاف لحد بيتها دي كل الحكاية.. الصحفيين بتوعنا بقي عرفوا ازاي عشان بيجندوا ممرضين في معظم المستشفيات.. تشوف حد مشهور عرفني بس وليك الحلاوة بس وكله بقي كتب وألف علي مزاجه، ليه بقي تحديدا الاتنين دول واقفين جمبها بجد عشان دول عشرة العمر نعرف بعض من قبل ما حد فيهم يبقي معروف من زمان عشره وستر وغطا وحاجات كتير أوى أي حد تاني بقي كله بيتاجر بيها الناس دي بقي دلوقتي هتزعل مني جدا عشان مكنوش عايزين حد يعرف أي حاجة عشان ميتفهموش غلط.