محمد حفظي: العالمية تبدأ من المحلية والفيلم الأصيل هو اللي يوصلنا للعالم

مصدر الصورة

نظم مهرجان القاهرة السينمائي في دورته الـ 46، جلسة حوارية تحت عنوان "المحتوى السينمائي العربي: عبور الحدود ومشاركة القصص"، بمشاركة كل من، المنتج محمد حفظي، المنتجة شاهيناز العقّاد، علا سلامة، والمنتجة رشا الإمام، ويدير الجلسة الناقد محمد نبيل.

قال المنتج محمد حفظي خلال ندوة مهرجان القاهرة إن اقتراب الفيلم العربي من المهرجانات العالمية يبدأ أولًا من الإيمان بالمشروع نفسه، موضحًا: "أنا بشوف إن أي حد عنده سيناريو أو مشروع لازم يسعى إنه يقدمه للعالم، ويعرف الناس بشغله، والبداية دايمًا بتكون من المحلية، إنك تبقى عارف إنك بتعمل فيلم بيعكس ثقافتك وقصتك، وفيه عناصر قادرة تجذب الجمهور المحلي، وطبيعي إننا كصناع نحب إن العالم يشوف حكاياتنا ويعرف إحنا مين من خلال أفلامنا".

وأضاف محمد حفظى خلال ندوة مهرجان القاهرة الذي يترأسه النجم حسين فهمي :"الوسيلة المتاحة ليا كصانع فيلم مستقل هي إن التمويل المستقل بيدي مساحة كبيرة من الحرية، وبيخليني أقول اللي عايز أقوله من غير ما أبقى مقيد بشروط السوق التجاري، والمهرجانات واحدة من أهم الوسائل اللي بتخلّينا نوصل للعالم".

وتابع حفظي: "أنا مش بعمل فيلم عشان يروح مهرجان بس، أو عشان الجوائز رغم أهميتها، خاصة لو كانت عروض عالمية اولي بتخلي في وجود صحافة عالمية ومتخصصة بيضيف كتير، وانا اتشرفت برئاسة مهرجان القاهرة قبل كده وحاولت أتواصل مع المؤسسات دي، وأعوتعمل تقارير ومراجعات عن الافلام، وكان سؤالهم هو مهرجان القاهرة في عروض عالمية أولى، وفاحنا بنحاوب نشوف إزاي ممكن نزود ده".

واختتم حديثه : "المهرجانات مش هتفيد لو الفيلم نفسه مش نابع من أصالة مصرية حقيقية، وبشوف ناس بتركز على العالمية من البداية، وده مش الطريق الصح".