وقالت بسمة وهبة، ببرنامج "90 دقيقة" المذاع عبر قناة المحور: "مينفعش يتقال أحمد السقا مش بيصرف على بيته وبيضرب مراته .. أحمد السقا أقسم لي بالله أنه عمره ما مد إيده على مها طول علاقته بيها وعمره ما قالها لفظ".

وتابعت بسمة: "السقا قالي شخصية مها في الفترة الأخيرة اتغيرت تماما واتحولت 180 درجة، وقالي مها مبقتش مها، واتغيرت واتحولت، مش دي مها اللي اتجوزتها واللي عرفتها".

واستكملت: "قولتله (ينفع ست هى اللي تصرف على ولادها).. سكت ولقيت عنده حالة من الذهول والصدمة، ووراني حاجات الحقيقة أثبتلي بيها كلامه، إن هو بيصرف على ولاده وعلى مها وإزاي بكرم وبزخ قد إيه".

وأضافت: "السقا قالي (بدفع مصاريف الولاد طبعا، وفي سنة واحدة دافع 150 ألف جنيه استرليني في آخر سنة، و150 مليون جنيه مصري في آخر سنة برضو مستشفيات وعمليات في لندن، وفواتير ورحلات علاج ورايح جاي على لندن زي كأني رايح الشارع اللي ورانا، ومصاريف الولاد وتعليمهم ومتكفل بكل حاجة، ومحدش دفع مليم في تعليم وتربية أولادي، وبعتلي وشوفت بعيني وأشهد على ده".

وكان المنشور المنسوب لـ أحمد السقا، عبر صفحة شخصية على "فيسبوك"، جاء فيه: "عشان الناس اللي بتسأل أنا والسيدة مها محمد عبد المنعم منفصلين منذ ٦ شهور وتم الطلاق منذ شهرين تقريبا وأعيش حاليا لأولادي وعملي وأصدقائي المقربين، وأمي وأختي، وكل تمنياتي لأم أولادي بالتوفيق و (الستر)، ومش عايز رغي في الموضوع ده رجاء من الصفحات الخاصة والأخوة الصحفيين، وسبحان مقلب القلوب ومبدلها، شكرا".

وأضاف: "أعتقد أن أعلن بينما تأخرت هي في الإعلان ففي هذا قمة الاحترام والرقي، ولها كامل الإحترام التي قد توضح هذه الرغبة قريبا، تمنياتي لها بالسعادة والنجاح في قرارها وحياتها التي فوجئت بها مثلكم، ربنا يسعدها، في حياتها المستقبلية واختياراتها".