شريف عامر: "كنت أفطر برمضان عند أهلي وأهل مراتي علشان مش معايا فلوس"

في حال واجهت مشكلة في مشاهدة الفيديو، إضغط على رابط المصدر للمشاهدة على الموقع الرسمي

مصدر الصورة

قال الإعلامي شريف عامر، إن العلاقة بينه وبين ربنا، لا تحتاج وسيطا، موضحا أنه لا يحب الدعاء خلال أداء الصلاة .

الإعلامي شريف عامر، خلال حديثه في برنامج "كلم ربنا"، عبر "الراديو 9090"، قال إنه يفضل الحديث مع الله، بشكل تلقائي وعفوي، وليس من خلال نصوص الأدعية، مؤكدا أنه يفضل الدعاء بعد الانتهاء من الصلاة، وليس أثناء أدائها.

وعن تأثير الأزمات التي واجهها، على العلاقة بينه وبين ربنا، قال شريف عامر: "حالتي الاقتصادية كانت تعبانة جدًا جدًا، لما عرفت إن فيه طفل ثالث والطفل الثاني لم يكن مخططا له كنت بقول هعيشه منين؟.. ومكنتش أحب أدعي ربنا في الصلاة، وأحب بعد ما أخلص الصلاة أكلم ربنا؛ لأن الصلاة بالنسبة لي كانت حق ربنا".

وتابع: "أنا عدى عليَ شهور في رمضان كان لازم أفطر عند أهلي وأهل مراتي يوم آه ويوم لأ؛ علشان مش معايا فلوس، كان يكون معايا 3 أو 4 لتر بنزين في عربيتي؛ لكن مش معايا أكل في البيت لما أرجع، فلازم أفطر في بيت أبويا يوم وفي بيت حماتي يوم أنا وأولادي، لأن مفيش فلوس".

شريف أضاف "لما عرفت نتيجة التحليل، وأن فيه طفل ثالث بكيت، وكلمت ربنا قولت له أنا هعمل إيه، أنت قلت إن كل بني آدم بيخرج للعالم محسوب له رزقه، وأنت بتتولاه، فلو سمحت تولانا أنا وهما، كنت في لحظة أزمة وحسيت قد إيه الطفلة الثالثة كانت ثمينة؛ لأن ربنا استجاب لمناجاتي في هذه اللحظة".

واختتم حديثه قائلًا: "حتى الآن وأنا في طريقي لأركن عربيتي في نفس النقطة، وأنا ربنا فتح عليَ وأولادي كبروا وتخرجوا من الجامعات أقوله شكرًا يا رب".